Muphirimia vho khethwa hafhu kha dzi SATMA

Tshiṱori nga: Elmon Tshikhudo. Ṱhalutshedzo nga: Khathutshelo Raliphaswa.

Muhashi wa mbekanyamushumo ya Nambi ya Dzinambi kha Phalaphala FM, Vho Humbulani Nengovhela vho khethwa lwa vhuvhili kha pfufho dza muzika wa Afrika Tshipembe wa siala (SATMA). Naṅwaha vho khethwa kha khethekanyo ya muhashi wa SABC wa khwine wa muzika wa sialala wa ṅwaha.Vhuṱambo ha dzi pfufho vhu ḓo farelwa Durban nga ḽa fumi-malo Nyendavhusiku. Vhuṱambo uvhu ndi ha vhufumi-na-malo.

Vho bebwa kusini kwa Tshaulu, nnḓa ha Thohoyandou. U bva vhe na minwaha miṋa, vhovha muthu ane a tshila na vhuholefhali ha Polio he havha kundelisa u kona u tshimbila nga vhoṱhe. Naho zwo ralo vha tshi tshila na vhuholefhali, vhovha muthu are na vhuḓifulufheli kha vhone vhane nga yone thikhedzo ya mashaka avho. Vho bvela phanḓa na pfunzo dzavho, vha shuma sa mukhantseḽara na uvha ramabindu vha sa athu uvha tshipiḓa tsha Phalaphala FM.

Kha nḓowetshumo ya vhumbvumbvusi vha ḓivhea sa Muphirimia, hune vha hasha mbekanyamushumo yavho ya muzika wa Tshivenda Nambi ya Dzinambi, na ya Kharikonane. Sa izwi husi u thoma vha tshi khethwa kha pfufho idzi, ṅwaha wo fhelaho vho kundiwa, fhedzi nanwaha vha na fulufhelo uri vha ḓo vhuya na tshiphuga hayani.

Vhari u nangwa havho lwa vhuvhili zwi tou khwaṱhisedza uri vha khou shuma mushumo wavhuḓi sa muhashi wa kha radio.

Nga u rwela ṱari Muphirimia Foundation musi ṅwaha u sa athu u fhela, ndivho yavho ndi u sika mishumo ya vhaholefhali vha vhupo ha Vhembe. Vhari ndi tshone tshikhala tsha u sumbedzisa vhathu uri nga uḓi imisela na uḓi vhudza kha zwine muthu a konazwone, na vhaholefhali vha a kona u wedza miloro yavho .

Date:17 November 2023

By: Elmon Tshikhudo

Elmon Tshikhudo started off as a photographer. He developed an interest in writing and started submitting articles to local as well as national publications. He became part of the Limpopo Mirror family in 2005 and was a permanent part of the news team until 2019.

Read: 207