Ronewa Mudzanani o ḓi imiselau ḓisa tshanduko nga dzangano ḽawe.

Tshiṱori nga: Elmon Tshikhudo. Ṱhalutshedzo nga: Khathutshelo Raliphaswa.

Ronewa Mudzanani wa minwaha ya fumbili-rathi o aluwa na vhulwadze ha cerebral palsy, fhedzi izwo a zwingo mu thivhela kha u swikelela ndoro dzawe. Zwa zwino u touvha Ngwena u mona na ḽifhasi kha mutambo wa thenisi.

Ronewa ndi muthu ane a tou ḓivha tshoṱhe dzi khaedu dzine muholefhali a ṱangana nadzo a tshi aluwa. Nga dzone tshenzhemo dzine o tou ṱangana nadzo, o vhona zwo fanela u thoma dzangano ḽine ḽa thusa vhana vhane vha tshila na vhuholefhali. Nga thuso ya dzi ṱhama, o ḓou thoma dzangano ḽa Wheels Life Changers.

Dzangano iḽo ḽo rwelwa ṱari nga ḽa fumbili-na-mbili Tshimedzi ngei Tshilivho, sa u pembela ṅwedzi wa vhaholefhali. Nga Musumbuluwo wa ḽa rathi Ḽara, vha dzangano iḽo vho dalela vha muṱa wa ha Ratsiku ngei Hamaila, nnḓa ha Louis Trichardt, he vha netshedza Rotondwa Ratsiku wa minwaha ya sumbe wheelchair.

Ronewa o no dzhenelela miṱaṱisano ya u mona na ḽifhasi ya thenisi, hone zwovha zwi songo leluwa khae sa izwi a tshi bva kha kusi kwa mahayani kwa Vhurivhuri. “Vhathu vhovha vha tshi vhona unga zwi ḓo konḓa uri ndi ye tshikoloni, mashudu mavhuya ndo ḓou iswa tshikoloni tshine ndovha ndi tshi dzula haningei nga mme anga. Zwa zwino ndi khou thusa vhana vhane vhatshila na vhaholefhali uri navho vha kone uya zwikoloni. Ndi ṱoḓa uri khaedu dze nda ṱangana nadzo vha si ṱangane nadzo nga thuso ya Wheels Life Changer,” a amba.

Vhanzhi vha a ṱuṱuwedzea nga mishumo ya Ronewa kha mutambo wa thenisi. Uri u na miloro na dzi ndavhelelo dzine a ṱoḓa u dzi shumisa u ḓisa tshanduko kha mivhundu nga kha dzangano ḽa Wheels Life Changer. “Sa dzangano ri tama u thusa vhaswa uri vha kone u wedza miloro yavho nga uvha thusa nga zwishumiswa zwi fanaho na wheelchair, dzi mbaḓa dza u tshimbila na zwinwe zwinzhi zwine zwa ngavha thusa u uya zwikoloni,” a engedza.

Vhane vha ṱoḓa thuso, vha nga kwama Ronewa Mudzanani kha 060 744 9089 kana vha sendela mulaedza kha imeiḽi ya Wheels Life Changer kha [email protected].

Date:17 November 2023

By: Elmon Tshikhudo

Elmon Tshikhudo started off as a photographer. He developed an interest in writing and started submitting articles to local as well as national publications. He became part of the Limpopo Mirror family in 2005 and was a permanent part of the news team until 2019.

Read: 254