Phrofesa Vho Mariba vho anḓadza nyimbo yavho ya vhuvhuli.

Tshiṱori nga: Victor Mukwevho. Ṱhalutshedzo nga : Khathutshelo Raliphaswa.

Phorofesa Vho Matodzi Mariba na bennde yavho ya The Magic Strings, vho anḓadza nyimbo yavho ya vhuvhili ine ya vhidzwa “Chezla Pozla”, nga Ḽavhuṱanu ḽa fumi Ḽara. Nyimbo iyo ndi ine yavha kha aḽibamu yavho ya One Night In Vegas ine ya khou lavhelelwa u anḓadzwa ṅwaha u ḓaho mathomoni.

Vho Mariba ndi munwe wa vhoramuzika vho funzehao vhuponi ha Vhembe, vho bebwa vha aluswa kusini kwa Phadzima kha vhupo ha Vhulaudzi. Nga nnḓa ha zwa muzika, vha dovha hafhu vhavha na vhuimo ha uvha ṱhoho ya muhasho (HOD) ya yunithi ya miaro ya othopeadic na ṱhoho ya yunithi ya spinal kha vhuongelo ha Doctor George Mukhari Academic ngei Gauteng. Afho ndi he vha shuma u bva nga ṅwaha wa gidimbili fumi-na-mbili. Lwendo lwa Vho Mariba lwa muzika lwo thoma minwaha ya musi vha tshi kha mirole ya tshikolo tsha fhasi musi vha tshi guda u tamba kaṱara. Vho ḓou thoma tshanele yavho ya YouTube ya ‘Beautiful Guitars’ minwaha mivhili yo fhiraho, ine yavha nga ha makaṱara na zwoṱhe zwi yelanaho na makaṱara.

Aḽibamu yavho ya “One Night in Vegas” yo kanḓiswa nḓuni dza Burning Shacks Studios hone yo bveledzwa nga Mulalo Mukwevho. Kha vhathu vhe vha shuma navho kha iyi aḽibamu ndi Blessing Mudzanani ane a tamba kaṱara ya muḓagasi na Hangwelani Netshifhefhe a bvaho kha tshigwada tsha Cornerstone. Vhone vhane Vho Mariba ndi muṅwali wa dzi nyimbo, vha dovha hafhu vha tamba kaṱara.

Nyimbo ya u thoma u bva kha aḽibamu, Khanyisile Come Home“ yo anḓadzwa nga ḽa fumi-na-thihi Thangule – hone yo khethwa kha khethekanyo mbili, ya Afro-Pop na ya vidio ya khwine kha pfufho dza Music On The Hill. Hu lavhelelwa uri na nyimbo iyi ya Chezla Pozla i ḓo shuma zwavhuḓi.

Vha tshigwada tsha The Magic Strings vho mbvumbvusa vhathu kha vhuṱambo ha u pembele minwaha ya fuṱhanu-thihi ya ramuzika makone Khakhathi Tshisikule ngei Elias Nefale Eco Estate ṅwedzi wo fhiraho nga ḽa fumbe.

Date:20 November 2023

By: Victor Mukwevho

Victor Mukwevho Ne-vumbani joined the Mirror during it's inception in 1990. He joined the SABC newsroom in 1995, and was known by  listeners as "A u fhedzisela ari". He was a news editor for The Tembisan Newspaper from 2007 to 2015. He rejoined the Limpopo Mirror newspaper in June 2022 as a freelance journalist.

Read: 208