Mmbengwa o anḓadza khuvhanganyo ya zwirendo ya u thoma.

Tshiṱori nga: Kaizer Nengovhela. Ṱhalutshedzo nga: Khathutshelo Raliphaswa.

Muṅwali wabugu dza zwirendo wapo makone Rudzani Eric Mmbengwa a bvaho Havhangani, o anḓadza khuvhanganyo yawe ya zwirendo zwa Tshivenda ya u thoma, ine ya vhidzwa Nngwedzamilambo. Yo anḓadza nga ḽa fumbili-malo Tshimedzi, ndi ine yavha na zwirendo zwa fuiṋa-na-mbili.

Vhukoni ha Rudzani ha u ṅwala ndi he ha thoma u ṱuṱulea murahu nga ṅwaha wa gidimbili. Kha musi uyo, ovha a tshe mugudiswa wa tshikolo tsha Mudinane tsha nṱha. O ṅwala zwirendo zwa tshivhalo he a ita na u wana dzi pfufho uya nga u fhambana kha miṱaṱisano ya vhurendi a tshe mugudiswa. Ori a tshi fhedza pfunzo dzawe dza murole wa vhufumi-na-mbili, a thoma u kuvhanganya zwirendo zwawe e na fulufhelo ḽauri zwi ḓo swika hune zwa anḓadzelwa vhathu.

Naho vhanzhi vha tshi ṱangana na dzi khaedu kha buḓo iḽi ḽa maṅwalo, ene ovha ena vhuḓifulufheli uri u ḓo kona u swika kule nga maṅwalo awe. “Naho ndi tshi vhona vhunzhi ha vhaṅwali vha tshi ṱangana na dzi khaedu uya nga u fhambana uri bugu dzavho dzi anḓadzwe, nne ndo ḓi vhudza uri ndi ḓo zwi kona. Zwe zwa nṱuṱuwedza ndi dzinwe dza dzi khaedu dze na nṋe nda ṱangana nadzo. Zwa u ṅwala kha nṋe ndi uḓi mbvumbvusa na u ṱuṱula muhumbulo, aḽi touvha buḓo ḽanga,” a amba.

Rudzani uri vhunzhi ha vhaṅwali vha nyambo dza ḓamuni ndi vhane vha ṱangana na dzi khaedu kha uri bugu dzavho dzi anḓadzwe nga dzi khamphani khulwane sa izwi vhunzhi hadzo vha si na dzangalelo kha maṅwalo a nyambo dza ḓamuni. “Ri khou sika nḓowetshumo yashu nga u sedzesa u anḓadza maṅwalo a nyambo dzashu. Zwa zwino ndi vhathu vhanzhi vhane vha khou renga khuvhanganyo yanga, zwine zwa sumbedza u i takalela na u ṱuṱuwedzea nga zwirendo zwanga,” a engedza.

Kha Rudzani u ṅwala ndi yone nḓila ya u ṱahisa vhupfiwa hawe naho hu na fhethu hunzhi hune ha ṱahiswa nga hazwo. Nga nnḓa ha u ṅwala zwirendo, Rudzani u dovha a ṅwala zwiṱori zwipfufhi.

Date:21 November 2023

By: Kaizer Nengovhela

Kaizer Nengovhela started writing stories for Limpopo Mirror in 2000. Prior to that he had a five year stint at Phala-Phala FM as sports presenter. In 2005 Kaizer received an award from the province's premier as Best Sports Presenter. The same year he was also nominated as Best Sports Reporter by the Makhado Municipality. Kaizer was awarded the Mathatha Tsedu award in 2014.

Read: 201