ADVERTISEMENT:
Mualuwa Vho Khubani Mkhavele vha bvaho Ha Chavhani vhane vha ḓivhea nga ḽa “Nwa Joe” vho ngalangala u bva nga ṅwedzi wa Thangule. Tshifanyiso tsho bveledzwa.
Tshiṱori nga: Elmon Tshikhudo. Ṱhalutshedzo nga: Khathutshelo Raliphaswa.
Ho no swika minwedzi mivhili Vho Khubani Mkhavele vha bvaho Ha Chavani, zwine zwo sia vha muṱa wavho vhe na mbilaelo na uvha ṱoḓa vha sa kulei nungo.
Mukegulu avho vhane vha ḓivhea khwine nga ḽa “Nwa Joe”, vho ngalangala nga ḽa fumbili-mbili Thangule. Sa izwi vhovha vhe mualuwa vhare na minwaha ya tsini na ḓana, vhovha vha tshi dzula na ṅwana wavho wa musidzana, ndi he vha bva afho muḓini vhari vha khou ya u ṱola muḓini wavho sa izwi husi kule, avha tendela. U bva ḓuvha iḽo, ahuna we a pfa tshithu ubva khavho hone vha muṱa wavho vha na mbilaelo nga ha tsireledzo yavho.
Muambeli wa muṱa, Vho Cate Maluleke, vhari vho vhaisala nau ḓalelwa nga dzi mbudziso dzi si na phindulo. “Naa hu ngavha hu khou bvelela mini khavho? Vha muthu mualuwa vhane vhavha na nnḓu yavho muvhunduni uyu. Ro vha dzhia uri vha dzule na ṅwana wavho kha lurumbu lunwe lwa muvhundu huu iteala u vha ṱhogomela. Naho zworalo, vhovha vha tshi anzela u dalela muḓi wavho, tshinwe tshifhinga vha tshi eḓela hone. Vhadzulatsini na mashaka vhe vha fhira nga afho muḓini wavho vho khwaṱhisedza uri na ngoho vhovha vhe hone afho muḓini wavho,” vha amba.
Vho Maluleke vhari sa muṱa vho vhaisala nga u ngalangala havho. “Nga ḽa fumbili-iṋa Ṱhangule, rovha vhiga sa muthu o ngalangalaho kha dzi ofisi dza khoro ya Ha Chavhani ri sa athu uvha vhiga tshiṱitshini tsha mapholisa a Waterval. Rovha ri na fulufhelo ḽauri vhadzulapo vha ḓori thusa, fhedzi ahuna zwe zwa itiwa. Rovha ṱoḓa hoṱhe, ahuna na ane onori luma nḓevhe uri ovha vhona. Zwine zwa ri vhilaedzisa zwihulu sa muṱa, ndi u sa ḓivha arali vha kha ḓi tshila kana vho lovha. Ri fulufhela uri ri ḓovha wana vha kha ḓi tshila,” vha engedza.
Muambli wa mapholisa a Vhembe, Vho W/O Vuledzani Dathi, vho khwaṱhisedza uri ho vulwa mulandu wa u ngalangala. “Ri humbela uri vhadzulapo vha thuse mapholisa na vha muṱa kha mulandu uyu. Vhare na zwine zwa nga thusa mapholisa vha nga isa muvhigo tshiṱitshini tsha mapholisa tsha tsini navho, kana vha founela nomboro dza lushaka dza 08600 10111.” Kana vha founela Vho Cate Maluleleke kha 083 507 2012.
Date:11 December 2023
Elmon Tshikhudo started off as a photographer. He developed an interest in writing and started submitting articles to local as well as national publications. He became part of the Limpopo Mirror family in 2005 and was a permanent part of the news team until 2019.
Read: 265
ADVERTISEMENT
ADVERTISEMENT:
ADVERTISEMENT:
ADVERTISEMENT