Vho Frank Mavhungu vho pfufhiwa kha pfufho dza zwamitambo.

Tshiṱori nga: Kaizer Nengovhela. Ṱhalutshedzo nga: Khathutshelo Raliphaswa.

Ramafhungo mufodi vha zwa mitambo kha nyanḓadza mafhungo ya Limpopo Mirror, Vho Frank Mavhungu, vho pfufhiwa tshiphuga tsha uvha mufodi wa khwine wa ṅwaha wa 2023 kha pfufho dza zwamitambo Limpopo. Pfufho idzo dzovha dzo dzudzanywa nga vhamuhasho was zwamitambo, vhutsila na mvelele, dzedza netshedzwa nga Vho MEC Nakedi Kekena. Mushumo wa dzi pfufho wo farelwa hodelani ya The Ranch, nnḓa ha Bulugwane nga Mugivhela wa ḽa mbili Nyendavhusiku.

Vhatambi na vhoṱhe vhane vha wela kha nḓowetshumo ya zwamitambo u mona na vunḓu ḽa Limpopo vho netshedzwa pfufho zwi tshi tevhela vhukoni havho, hoṱhe luvhanḓeni na nnḓa kha khethekanyo dzi paḓaho fumi-sumbe, hu tshi katelwa ramafhungo wa ṅwaha na mufodi wa ṅwaha. Khethekanyo dzoṱhe dzovha na vhathu vhararu vhe vha khethwa.

Vho Mavhungu vhane vha bva Tsianda, ndi muṅwali wa nyanḓadza mafhungo ya Limpopo Mirror vha kale, vhe vha thoma nga ṅwaha wa gidiḓaṱahe fuṱahe. Lwa minwaha iyi yoṱhe, vho pfufhiwa zwiphuga zwo yaho nga u fhambana hu tshi katelwa na Ramafhungo wa u ṅwaha wa lushaka nga ṅwaha wa 2005 na ramafhungo wa zwamitambo wa masipala wa Thulamela wa ṅwaha wa 1998, na zwinwe zwiphuga zwinzhi.

Vhari vho pfa vho hulisea nga u avhelwa tshiphuga itshi. “Ndi foda zwifanyiso kha vhupo ha mahayani hure na buse hune vhunzhi ha vhafodi vha ṱutshela kule naho. U pfufhiwa hanga tshiphuga itshi zwo koniswa nga vhadzulapo kana vhatambi vhane vha tenda ndi tshi vha foda, Vhukoni vhu hone kha vhupo ha mahayani, hone ndivho yanga ndi u vhu swikisa vhathuni nga kha zwifanyiso zwine nda foda,” vha amba.

Vhari vha livhuwa na u takalela thikhedzo ine vha i wana u bva kha mashaka, dzi khonani na vhashumisani vha Limpopo Mirror. “Ndovha ndi ngasi zwi kone ndi ndoṱhe hu si na thikhedzo ya vhathu, Ndi tama u livhisa tshiphuga tshanga kha mudzanyi wa nyandadza mafhungo wa Limpopo Mirror , Vho Anton Van Zyl, na vhothe vhashumisani.

Vha eletshedza vhafodi uri vha ṱanganedze uri asi zwifanyiso zwoṱhe zwine zwa ḓo takalelwa nga vhathu vhoṱhe. “U foda a zwingo leluwa, zwi ṱoḓa vhathu vha tshi shumisana. U sasaladziwa ndi innwe ya dzi nḓila dzine vhafodi vha nga shumisa u khwinifhadza mishumo yavho. Vha fanela u zwi ṱanganedza vha zwi shumisa. Kha vhoramafhungo vhoṱhe na vhane vha takalela uvha vhoramafhungo, ndi vha eletshedza uri vha vhige na u ṅwala mafhungo are na ngoho, hone vha takalele mushumo wavho vha sa ofhi kana u ima na sia lithihi mafhungoni,” vha amba.

Mudzanyi wa nyandadza mafhungo wa Limpopo Mirror , Vho Anton Van Zyl vho fhululedza Vho Mavhungu kha pfufho yavho. “Zwine zwa ita uri zwifanyiso zwa Vho Mavhungu zwivhe zwa maṱhakheni ndi uri avha sedzi vhatambi vha thimu dza nṱha fhedzi. Kha zwifanyiso zwavho hu katelwa na vhatambi vha thimu dzi ḓivheaho u fana na Black Leopards na Venda Football Club, na vhatambi vha thimu dza mahayani kha ḽigi ṱhukhu. Vha dovha hafhu vha ṅwala na nga ha thimu dza vhafumakadzi, zwine zwa amba zwihulu kha nḓowetshumo ya zwamitambo.”

Date:11 December 2023

By: Kaizer Nengovhela

Kaizer Nengovhela started writing stories for Limpopo Mirror in 2000. Prior to that he had a five year stint at Phala-Phala FM as sports presenter. In 2005 Kaizer received an award from the province's premier as Best Sports Presenter. The same year he was also nominated as Best Sports Reporter by the Makhado Municipality. Kaizer was awarded the Mathatha Tsedu award in 2014.

Read: 252