Hlaluko o wina Miss Limpopo 2024.

Tshiṱori nga: Maanda Bele. Ṱhalutshedzo nga; Khathutshelo Raliphaswa.

Nyalunako a bvaho muvhunduni wa Mhinga, Ha Malamulele, Hlaluko Sambo o hweswa nguwane kha muṱaṱisano wa Miss Limpopo 2024. Hlaluko wa minwaha ya fumbili o hweswa nguwane iyo kha vhuṱambo he ha farelwa Bolivia Lodge ngei Bulugwane nga Mugivhela wa ḽa fumbili-na-ṱhanu Lara.

U pfufhiwa kha muṱaṱisano uyu kha Hlaluko zwovha zwi kha mutevhe wa zwe avha a tshi ḓi tamela u zwi bveledza kha ṅwaha uno wa 2023. “Ndi humbula ndi tshi ṅwala mutevhe wanga mathomoni a ṅwaha. Kha mutevhe uyo, ndovha ndo ḓi ṅwala uri ndi takalela u pfufhiwa kha vhuimo ha nṱha, namusi ndi na vhuimo vhune ha touvha ha vunḓu. Ndi u wedza ha ndoro yanga. Nga nnḓa ha izwo, uvha Miss Limpopo zwi amba uvha murangaphanḓa na ṱhuṱhuwedzo kha vhaṱuku kha nṋe. Vhaswa ndi vhathu vhane vha takalela u edza zwine munwe muthu a bveledza, ndo vhona zwi zwa ndeme u vha ṋea zwithu zwavhuḓi zwine vha ḓo edza zwone,” a amba.

Hlaluko o thoma zwa uvha nyalunako a tshe kha murole wa vhumalo tshikoloni tsha nṱha tsha Jim Chavani. Uri: “Ndo dzhenelela miṱaṱisano ya zwa vhutsila na mvelele ndi tshe tshikoloni, miṱaṱisano ya khethekanyo dzi fanaho na Xibelani, vhurendi, zwa vhonyalunako, makhwaya na zwinwe zwinzhi. Miṱaṱisano ye nda tou sedzesa yone ndi ya uvha nyalunako, he ndari ndi tshi dzhenelela ndavha kha vhuimo ha u thoma.”

Ono pfufhiwa kha miṱaṱisano minzhi nga nnḓa ha ya tshikoloni. “Mutatisano wanga wa u thoma hovha wa Miss Juno’s Dashing Party nga 2020, he ndavha khosikadzi. Nga ṅwaha wa 2021 nda dzhenelela miṱaṱisano ye minwe nda kundiwa, minwe nda pfufhiwa. Nga ṅwaha wa 2022 ndo ḓou awela kha buḓo ilo nda sedzana na zwa pfunzo sa izwi ndovha ndi kha murole wa vhufumi-na-mbili, ndori ndi tshi dzhenelela uyu muṱaṱisano wa Miss Limpopo, nda takala vhukuma ndi tshi pfufhiwa khawo.”

Date:12 December 2023

By: Maanda Bele

Maanda  Bele, born and raised in Nzhelele Siloam, studied journalism at the Tshwane University of Technology.

He is passionate about current news and international affairs.

He worked as part of the Zoutnet team as an intern in 2017.

He is currently a freelance journalist specialising in news from the Vhembe district.

Read: 252