JR Player o anḓadza aḽibamu thangeli yawe ine oi livhisa kha musiki wawe.

Tshiṱori nga: Thembi Siaga. Ṱhalutshedzo nga: Khathutshelo Raliphaswa.

Muimbi wa Afro-pop na R&B Unarine Mutheiwana, ane a ḓivhea khwine nga ḽa JR Player kha nḓowetshumo ya muzika o anḓadza aḽibamu thangeli yawe ya vhuṋa, ine ya vhidzwa Xikwembu. JR Player ane a bva kha kusi kwa Tshikhudini ngei nnda nyana ha Ṱhohoyandou, uri aḽibamu thangeli iyi ndi ya u livhuwa Mudzimu. O i anḓadza nga ḽa furaru Lara, ina nyimbo dza sumbe hone uri o ṅwala nyimbo idzo dzi tshi bva vhudzivhani ha mbilu yawe, i tevhela aḽibamu ya Mutambi Dendele.

Dzina ḽa aḽibamu thangeli iyi , Xikwembu, i tou sumbedza uri JR Player o vhea lutendo lwawe phanḓa kha mushumo we a shuma kha aḽibamu thangeli iyi. Kha nyimbo ya Xikwembu ye a imba e na Una Rine, i bvisela khagala ndivho ya aḽibamu thangeli yawe. Zwe zwa ṱuṱuwedza JR Player uri a shume kha heyi aḽibamu thangeli ndi zwe a ṱangana nazwo kha lwendo lwawe lwa nḓowetshumo ya muzika, a dovha a vhona tshilidzi tsha mudzimu tshine tsha dzulela umu takula misi yothe.

Aḽibamu thangeli iyi yo ḓadzwa nga nyimbo dze a shuma na vhaimbi vha ḓivheaho u fana na 2Bobo ye a shuma na Mizo Phyll, na Mpfareni ye a imba na Asa Tee uya kha Vho 4 ye a imba na Mpho El.

“Alibamu thangeli yo hwala yo inga nga nyimbo dzine dza amba nga ha ndivho ya u thoma ya u bveledza vhupfiwa ha u amba nga ha mudzimu na vhudzivha ha mushumo uyu,” Jr Player a amba.

Date:14 December 2023

By: Thembi Siaga

Thembi Siaga started as an intern during 2021. He assisted with video photography and editing. He also produced numerous small documentaries, focusing on the Vhembe region and its people. Currently he works as a freelance journalist, covering stories in the Elim area.

Thembi studied at the Tshwane University of Technology, where he completed his diploma in Journalism in 2021.

Read: 248