Nḓisedzo ya tshumelo i kha ḓivha khaedu kha zwisi zwa Ward 36

Tshiṱori nga: Maanda Bele. Ṱhalutshedzo nga: Khathutshelo Raliphaswa.

Nḓisedzo ya tshumelo u fana na bada dzavhuḓi na maḓi o kunaho zwi sumbedza zwi khaedu ine vhadzulapo vha Ward 36 ngei Manyii, Hamatsa na Mamvuka Nzhelele, vhane vha wela fhasi ha masipala wapo wa Makhado vha khaḓi ṱangana nayo. Vhadzulapo avho vhari vho neta nga u shumisa maḓi ane vha a ka kha zwisimani zwo tshikafhalaho nahone ane vha a shumisa na zwifuwo.

Vho Rofhiwa Mudau, mudzulapo wa Mamvuka vhari vho no tou hangwa uri ndi lini he vha vhona maḓi avhuḓi a tshi bva miḓini yavho. Vhari maḓi ane vha a shumisa zwa zwino ndi maḓi ane o tshikafhala na u poswa malaṱwa. “Musi ri tshi ya u ka maḓi zwisimani, ri anzela u wana zwifuwo zwi khou ṅwa maḓi aneo, ari ḓivhi uri ndi ngani muvhuso usa ri tandululeli khaedu yashu. Ndi dzulela u thoma nda a ṱanzwa nga dzhiki kana nda tou a vhilisa, fhedzi izwi tshinwe tshifhinga zwi a nkundela sa izwi ndi tshi balelwa nga masheleni a dzhiki kana havha husina muḓagasi uri ndi a vhilise,” vha amba.

Vhanwe vha vhadzulapo vha badela gariki dza dzi donngi uri vha ḓiselwe maḓi, hune vha badela masheleni a fuṱhanu. “Ri shumisa masheleni manzhi uri ri kone u wana maḓi,” mudzulapo vha a amba.

Vhadzulapo vhari vho lingedza u amba na vha masipala wa tshiṱiriki tsha Vhembe (VDM) vhane vha vha ḓisela maḓi, vha tshi ṱahisa mbilaelo dzavho nga ha khaedu iyi, fhedzi naho zworalo ahuna thandululo dze vha ḓiselwa. Vhari nga ṅwaha wa 2019 vhadzulapo vho lingedza u kuvhanganya masheleni a u gwa mulindi wa maḓi, fhedzi zwi si shume.

Uya nga muambeli wa VDM Vho Matodzi Ralushai, vha masipala vho gwa milindi ya maḓi minwaha yo fhiraho kha vhupo uho. “Hu sumbedza uri u gwiwa milindi iyo a zwingo fhedziswa sa izwi yovha i songo tumanywa na muḓagasi,” vha amba.

Vho Richard Mukhaninga vha bvaho kha tshigwada tsha Vhembe Concerned vhari khaedu ya maḓi kha zwisi izwi i khou nana. "Ro no paḓa miṅwaha ya maḓana mararu ri kha muvhuso wa dimokisari fhedzi hutshe na vhathu vhane vha shumisa maḓi na zwifuwo zwine vha vha vha sa ḓivhi uri zwo hwala malwadze na tshika dzi fhio. Vhanwe vha vhadzulapo vhane vha shaya vha kombetshedzea u shumisa maḓi aneo a songo vhiliswa kana u shelwa dzhiki zwine zwavha khombo kha mitakalo yavho," vha amba.

Date:19 December 2023

By: Maanda Bele

Maanda  Bele, born and raised in Nzhelele Siloam, studied journalism at the Tshwane University of Technology.

He is passionate about current news and international affairs.

He worked as part of the Zoutnet team as an intern in 2017.

He is currently a freelance journalist specialising in news from the Vhembe district.

Read: 383