Mutendasi Jnr o anḓadza luimbo lwawe lwa u thoma lwa ‘Ndi Nne’

Tshiṱori nga: Elmon Tshikhudo. Ṱhalutshedzo nga: Khathutshelo Raliphaswa.

Ṅwana wa vhoramuzika, Vho Mariana Motlare vhane vha imba muzika wa Afropop, na ramuzika wa nyimbo dza Tshivenda Vho Tendani Phillip Nephawe, vhane vha ḓivhea khwine nga ḽa Mutendas, ane avha Ntendeni Mukondeleli Nephawe (24) u khou ḓi sikela dzina kha nḓowetshumo ya muzika. Izwi azwi mangadzi sa izwi a tshi bva muṱani wa vhoramuzika, hone o thoma u imba na vhabebi vhawe atshe na minwaha ya sumbe fhedzi.

Nthendeni, ane a ḓivhea vhidzwa Mutendas Jnr, asi muimbi fhedzi, u dovha hafhu avha mulidzi wa kaṱara. Uri u na fulufhelo ḽauri luimbo lwawe lwa ‘Ndi Nne’ lwe a ḽu anḓadza nga ḽa ṱhanu Nyendavhusiku, lu ḓo takalelwa nga vhathu vhanzhi lwa dovha hafhu lwa mu sikela ḽavhuḓi kha nḓowetshumo ya muzika.

“U swika zwino, thikhedzo ine nda khou i vhona ubva kha vhathu ndi ine ya ntakadza. Ndi tenda uri i ḓovha inwe ya dzi nyimbo dzine dza ḓo takalelwa nga vhathu kha ano maḓuvha a u awela na madakalo. Luimbo lwanga lwo ṱuṱuwedzwa nga mbudziso dzine vhatevheli vhanga vha mmbudzisa nga ha nṋe mune. Luimbo ulu lu bvisela khagala nne mune. Vhathu vha fanela u pfesesa uri ndi ṅwana wa lidzhakanḓila khasia la muzika Mutendasi, fhedzi ndi khou shuma ndi ramuzika oḓi imisaho nga eṱhe. Vhanzhi vha nga vhudizsa uri ndi ngani ndovha ndisa imbi u bva kale, fhedzi ndi nga fhindula uri tshifhinga tshovha tshi sa athu u swika. Ndi tenda uri zwa zwino ndi tshifhinga tsha u bveledza vhukoni hanga,” a amba.

Mutendasi Jnr ono shuma na vhathu vhanzhi hu tshi katelwa vhoramuzika vha fanaho na Racha Kill, Sir Mckleker, Makhadzi, Dash Instryuments, Coolfelo na vhanwe vhanzhi. U dovha hafhu a gudisa vhathu u lidza kaṱara nga mahala.

Muzika wawe u wanala kha masiaṱari oṱhe au rengisa muzika.

Date:19 December 2023

By: Elmon Tshikhudo

Elmon Tshikhudo started off as a photographer. He developed an interest in writing and started submitting articles to local as well as national publications. He became part of the Limpopo Mirror family in 2005 and was a permanent part of the news team until 2019.

Read: 416