Engedzani o kunda uvha Mrs Albinism 2023/24

Ṱhalutshedzo nga: Khathuthutshelo Raliphaswa.

Vhadzulapo vha tshiṱiriki tsha Vhembe vha khou ḓi rwa khana nga nyalunako Engedzani Ndou we a hweswa nguwane kha muṱaṱisano wa Mrs Albinism SA 2023/24. Vhuṱambo uho ha vhonyalunako ho farelwa Victory Theatre ngei Johannesburg nga Mugivhela, wa ḽa fumi-rathi Nyendavhusiku.

O dovha hafhu avha Mrs Charity Drive 2023/24 nga tshifhinga tsha muṱaṱisano uyo.Engedzani (20) a bvaho kusini kwa Dzimauli, uri naho o bebwa Halambani, u aḓi hudza nga u vhea Dzimauli kha mapa. Sa mutshudeni ane a khou bvela phanḓa na ngudo dzawe kha gudedzi ḽa Yunivesithi ya Limpopo, uvha a khou ita dzi nḓowe-nḓowe khathihi na zwa pfunzo zwovha zwi khaedu khae.

“Kha zwoṱhe zwine nda ita, ndi ita ndo ḓi vhudza na uḓi fulufhela. Ndia takala zwa zwino ndi tshiri ndo shuma zwavhuḓi kha ngudo dzanga nda wana na vhuimo vhuvhili. Ndo aluwa ndi sa iti zwa vhonyalunako, fhedzi ndori u ṋeiwa tshikhala tsha u bveledza vhukoni hanga luvhanḓeni, nda ita zwi sa athu u vhonwa. Ndo vhona na vhathu vha khou sumbedza u ntakale vha tshi ita na dzi khuwa, “ u amba.

Engedzani uri ndivho yawe ndi u ṱuṱuwedza vhathu vhane vha tshila na vhuholefhali vhufhio na vhufhio uri vha zwi ḓivhe uri vha fana na muthu munwe na munwe. “Ro naka. Ndovha ndi tshi tou pfa unga ndi khosikadzi. Ndi tenda uri linwe ḓuvha ndi ḓo wina vhuimo ha nṱha, “ a engedza.
 O engedza nga uri u livhuwa vha nyanḓadza mafhungo ya Limpopo Mirror nga umu vulela mavothi.

“Nga murahu ha vhege ho anḓadzwa nga ha nṋe kha gurannḓa, khamphasi ya Turfloop yovha yo ḓala nga zwifanyiso zwanga zwa kha siaṱari ḽa u thoma. Ho vhuya na khonani dzanga afha hayani vhori vho renga gurannḓa nga vhunzhi hone vhovha vha khou ntamela mashudu mavhuya. Zwoṱhe hezwo zwo ṱuṱuwedza u shuma ndo ḓi funga, “ a vhina.

Date:20 December 2023

By: Victor Mukwevho

Victor Mukwevho Ne-vumbani joined the Mirror during it's inception in 1990. He joined the SABC newsroom in 1995, and was known by  listeners as "A u fhedzisela ari". He was a news editor for The Tembisan Newspaper from 2007 to 2015. He rejoined the Limpopo Mirror newspaper in June 2022 as a freelance journalist.

Read: 398