Vhudie o kunda mutatisano wa SATMA

Tshiṱori nga: Thembi Siaga. Ṱhalutshedzo nga: Khathutshelo Raliphaswa.

Muimbi wa muzika wa Afro-pop na gospel Vhudihawe Mamphwe, ane a ḓivhea khwine nga ḽa Vhudie kha nḓowetshumo ya muzika, o pfufhiwa nga tshiphuga tsha uvha muimbi wa khwine wa muzika wa Tshivenḓa kha vhuṱambo ha dzi pfufho ha muzika wa sialala ha Afrika Tshipembe (SATMA). Vhuṱambo uho ho farelwa Durban nga Lavhuṱanu, ḽa fumi-ṱhanu Nyendavhusiku. Vhuḓi ane a bva kusini kwa Mulenzhe o dihwa nga luimbo lwawe lwe lwa ita bvumo lwa Yoki Yoki.

Vhudie o pfufhiwa zwi tshi tevhela luimbo lwawe lwa “Tshinakaho”, lwe lwa anḓadzwa ṅwaha wo fhiraho. Luimbo ulo ndi lune vhathu vhanzhi vha kona uvha na vhushaka nalwo, zwe zwa swikisa kha uri vha mu khethe nga vhunzhi kha tshiteṅwa tsha muimbi wa khwine wa Afro-Soul kha dzi SATMA.
Nga u sumbedza dakalo ḽe a ḓalelwa ngaḽo nga murahu ha u kunda, Vhudie ori:

“U kunda kha tshiphuga tsha SATMA zwi shandukisa vhutshilo ha muimbi munwe na munwe nga nḓila nnzhi. Zwi nṱuṱuwedza uri ndi shume nga maanḓa na u ṱoḓa u swikelela zwinzhi vhutshiloni. Zwi sumbedza vhukoni hanga ha u sika muzika wa khwine nga luambo lwanga lwa ḓamuni, ndi tshi imelela vhathu vhahashu,” u amba.

Uri u livhuwa thikhedzo ine vhathu vha mu ṋea yone misi yoṱhe. “Husina vhatevheli vhanga na vhatikedzi vhanga, athi kholwi uri ndovha ndi tshi ḓovha ndo swika hune ndavha hone ṋamusi. Ndi ḓo dzulela u livhuwa vhathu vhoṱhe vhane vha ntikedza na u nrabelisa misi yoṱhe, “ u amba.

A tshi vhudziswa nga ha mishumo ine aḓo shuma, Vhudie uri zwa zwino ahuna zwine aḓo bvisela khagala kha vhathu fhedzi zwi hone zwavhuḓi zwine a khou shuma khazwo. “ Hu na zwinzhi zwine ra khou shuma khazwo zwine ra ḓo zwi ḓivhadza tshifhinga tshi tshi swika. Zwine nda nga amba ndi uri vhatevheli vha nga lavhelela muzika wavhuḓi, une nayo ri fulufhela uri u ḓo ri swikisa kha u wina zwiphuga zwinzhi,” a amba.

Date:20 December 2023

By: Thembi Siaga

Thembi Siaga started as an intern during 2021. He assisted with video photography and editing. He also produced numerous small documentaries, focusing on the Vhembe region and its people. Currently he works as a freelance journalist, covering stories in the Elim area.

Thembi studied at the Tshwane University of Technology, where he completed his diploma in Journalism in 2021.

Read: 407