Mbilwi tsho dovha hafhu uvha tshikolo tsha khwine Limpopo.

Tshiṱori nga; Silas Nduvheni. Ṱhalutshedzo nga: Khathutshelo Raliphaswa.

Tshikolo tsha nṱha tsha Mbilwi tshozwidovha hafhu u ita ḓivhazwakale nga uvha tshikolo tshau bveledza vhagudiswa vha maragaho zwa khwine kha vunḓu ḽa Limpopo. Tshikolo tsha nṱha tsha Mbilwi tsho bveledza mvelelo dza khwine lwa minwaha, u bva nga ṅwaha wa gidimbili-sumbe vha tshivha tshikolo tsha u thoma tsha vharema tsha u swika kana u katelwa kha kiḽabu ya Elite 100 ya zwikolo zwine zwa bveledza phesenthe dza ḓana kha u phasa thero ya mbalo.

Vunḓu ḽa Limpopo ḽo khwinifhadza phesenthe ya u phasa, he vha kona u dzhia vhuimo ha vhusumbe, zwine zwavha khwine u vhambedzwa na ṅwaha wa mahola.

Ṱhoho ya tshikolo, Vho Nyambeni Cedrick Lidzhade, vhari Mbilwi ndi tshiṅwe tsha zwikolo zwa khwine kha shango ḽa Afrika Tshipembe ngauri vha bveledza vhagudiswa vhane vha phasa nga Batshela. Uya nga Vho Lidzhade, tshikolo tshavho tsho bveledza vhagudiswa vhevha phasa nga batshela vha maḓana mavhili furathi-malo, ngeno vha furaru-mbili kha vhagudiswa avho vho bveledza dzi naledzi kha thero dzavho dza sumbe, he vhaṅwe vha wana dzoṱhe kha thero dza mbalo na dzhogorafi. Vhari vho pfa vho takala vhukuma musi Mbilwi i tshi vhalwa kha kilabu ya Elite 100, he vhagudiswa vha maḓana maṋa furathi-mbili vha phasa mbalo na saintsi.

“Tshiphiri ndi u vha gudisa vha tshe kha mirole ya fhasi. Fhano ri vha thoma kha murole wa vhumalo. Vhagudiswa vha shuma nau vhala vho ḓi funga, hone u farisana ha vhagudiswa na vhagudi ndi zwone zwine zwa ri swikisa kha uvha tshikolo tsha khwine.”

Vho Lidzhade vhari vha takalela na thikhedzo na phaṱhutshedzo dzine vha dzi wana ubva kha vhuhosi ha Mphaphuli, fhasi ha Thovhele Gole Mphaphuli, vhane vha ḓa vha tshi ṱuṱuwedza nau amba na vhagudiswa.

“Limpopo yo khwinifhadza mvelelo dza maṱiriki nga phesenthedza sumbe ubva kha ṅwaha wa gidimbili fumbili-mbili. Ari khou pembelela u alusa ha phesenthe fhedzi, ri khou dovha hafhu ra pembelela uri ro kona ubva kha vhuimo ha u fhedzisela u swika kha ha vhusumbe u mona na mavunḓu oṱhe. Hezwi zwi touvha tsumbo uri vhagudiswa, vhagudi, vhabebi na tshitshavha ngau angaredza vho farana nauvha na mbonela phanḓa nthihi zwi tshi swika kha pfunzo,” hu amba vho MEC vha zwa pfunzo, Vho Mavhungu Lerule-Ramakhanya, kha vhuṱambo hau ḓivhadza dzi mvelelo dza maṱiriki ngei nnḓa nyana ha Bulugwane hodelani ya The Ranch, nga Lavhuṱanu ḽa fumi-ṱahe Phando.

Vhuṱambo uho ho dzhenelelwa nga murangaphanḓa wa kereke ya Zion Christian Church (ZCC) , Mubishopho Dokotela Vho Barnabas Lekganyane, muthusa minisiṱa kha vhuphuresidente Vho Pinky Kekana, Vha MEC, Vho neḓoro, na vhorapolotiki vha mahoro au fhambana, vhagudisi na vhagudiswa vhe vha shuma zwavhuḓi.

Date:26 January 2024

By: Silas Nduvheni

Read: 222