HaaNdi YellowMah o vhuya kha muzika

Tshiṱori nga: Thembi Siaga. Ṱhalutshedzo nga: Khathutshelo Raliphaswa.

Ramuzika a ḓivheaho wa muzika wa VenRap HaaNdi YellowMah o vhuya nga uhulu nga nyimbo yawe ye a anḓadza ya Munna Ha Lili. Nyimbo iyo ine yavha na vidio yayo ye ya kanḓiswa, yo anḓadzwa vhege mbili dzo fhiraho hone u na fulufhelo ḽauri iḓo takalelwa nga vhathu vhanzhi.

HaaNdi YellowMah, ane dzina ḽawe ndi Khuliso Adolf Mudau a bvaho Tshitandani, o ita bvuma musi muzika wawe u tshi kanḓiswa kha Channel O nga ṅwaha wa gidimbili fumbili-na-nthihi, tshifhinga tsha musi ho ṱaha vhulwadze ha Covid-19 – zwe zwavha zwi muloro wa ramuzika muṅwe na muṅwe.

Mibvumo na nḓila yawe ine yavha yo fhambanaho na yo ḓoweleaho kha vhoramuzika vhanzhi ndi zwine zwa ita uri luimbo ulu lwawe lwa zwino luvhe lune lwa ḓo kona u mbvumbvusa vhatevheli vhawe vha kale na vhane vha dovha vha khou thetshelesa muzika wawe lwa u thoma. Kha vhe vhavha vho ṱulutshela muzika wawe u mbvumbvusaho wo ḓalaho maanḓa, Munna Ha Lili ndi yone yone ine ya ḓovha mbvumbvusa.

YellowMah uri tshe a anḓadza nyimbo iyi vhathu vha khou lu takalela na u lu tevhelela nga nḓila ine ya mu takadza. YellowMah uri o dzhia tsheo ya u awela zwa muzika sa nḓila yau ṋea vhoramuzika vhaṅwe tshikhala tsha u aluwa nau pembelwa, sa izwi e na minwaha i swikaho ya fumi-raru e kha nḓowetshumo ya muzika.

“Ndo limuwa uri vhunzhi ha vhoramuzika vha khou anḓadza mizika yavho, hone nne athi ṱoḓi uvha kha mbambe navho. Vhatevheli vha muzika wanga vha nga lavhelela muzika kha nṋe. Zwa zwino ndi khou shuma kha u bveledza EP yanga, nga murahu ha tshifhinga ndi ḓo anḓadza aḽibamu yo fhelelaho,” a amba.

Date:31 January 2024

By: Thembi Siaga

Thembi Siaga started as an intern during 2021. He assisted with video photography and editing. He also produced numerous small documentaries, focusing on the Vhembe region and its people. Currently he works as a freelance journalist, covering stories in the Elim area.

Thembi studied at the Tshwane University of Technology, where he completed his diploma in Journalism in 2021.

Read: 168