Cyria the Community u thoma bindu ḽa zwimunemune u alusa masheleni

Tshiṱori nga: Elmon Tshikhudo. Ṱhalutshedzo nga: Khathutshelo Raliphaswa.

Ramuzika na ramiswaswo adivheaho, Cyria Tshipetane ane a ḓivhea nga ḽa Cyria The Community kha nḓowetshumo ya vhumbvumbvusi, o dzikusa vhupfiwa ha vhanzhi kha zwileludzi zwa vhudavhidzani musi a tshi anḓadza tshifanyiso tshawe kha siaṱari ḽawe ḽa Facebook o dzula getheni ḽa kereke ngei Tshiawelo nnda nyana ha dorobo ya Johanesburg a tshikhou rengisa zwimunemune. Ramuzika uyu ndiwe angwa kha luimbo lwawe kha Phalaphala FM lwa Mapholisa u pfukhela kha ṅwaha uno wa 2024. Naho a ramuzika ane a dzula e na mishumo yau mbvumbvusa vhathu fhethu ho fhambanaho na u anḓadza nyimbo dza bvumo u fana na Madekudeku, Gusheshe, Covid-19, Madrumbasi na Ex Yanga, vhatevheli vhawe vha khaḓi akhamadzwa nga dzangalelo ḽawe ḽauvha na mishumo miṱuku ine a ita musi asa khou kandisa muzika.

“Ndia tenda uri ndi ramuzika a takalelwaho, fhedzi izwo azwi nthivheli kha u wana nḓila dza u wana masheleni,” a amba musi atshi vhudziswa nga ha u rengisa hawe kerekeni. “Musi muthu e na masheleni, ahuna ane a vhudzisa uri muthu o a wana ngafhi, hone u rengisa zwimunemune ndi inṅwe ya dzi nḓila dza u wana masheleni,” a engedza.

Cyria o ṱahisa ḽauri vhunzhi ha vhathu vhane vha shaya vha vhangelwa vhushai nga uḓi kukumusa nau vhilaela uri vhaṅwe vhathu vha ḓo amba mini nga havho. “U amba ngoho, u rengisa hanga tshikoloni zwo bveledzisa vhutshilo hanga nga nḓila yavhuḓi vhukuma, Ndi zwithu zwine athi vhuyi nda zwi shonela kana uvha na ṱhoni ngazwo,” a amba.

Cyria uri vhathu vha fanela u ṱutshela uḓi nyadza na udikukumusa kha u thoma mabindu naho e mabindu maṱuku, kana vhathu vha tshi a nyadza. “Ndi livhuwa vhatevheli vhanga nga thikhedzo yavho. Khamphani yanga, Primetainment, na vhulangi hayo vha nṋea thikhedzo yothe ine nda ṱoḓa. Ndo no swikelela zwinzhi ndi khou shuma fhasi ha Primetainment. Ndo livhuwa zwihulu,” Cyria a amba.

Date:26 February 2024

By: Elmon Tshikhudo

Elmon Tshikhudo started off as a photographer. He developed an interest in writing and started submitting articles to local as well as national publications. He became part of the Limpopo Mirror family in 2005 and was a permanent part of the news team until 2019.

Read: 270