‘Vhanna vha fanela u kona u amba nga ha u tambudziwa hune vha ṱangana naho’

Tshiṱori nga: Stop Abuse. Ṱhalutshedzo nga: Khathutshelo Raliphaswa.

Zwivhidzo zwi fanela u sedzana na zwithu zwa muya mukhethwa na zwine vhathu vha ṱangana nazwo ḓuvha ḽiṅwe na ḽiṅwe,' iyi ndi nḓila ine muambeli wa pfanelo dza vhathu Vho Enos Magwabeni vha bvaho Tshilamba nnḓa nyana ha Thohoyanḓou vha vhona ngayo zwithu.

Vho Magwabeni vhe vha bebwa vha aluswa kusini kwa Makonde, ndi vhone murangaphanḓa wa tshiimiswa tsha 'Vhanna Kha Ri Ambe', tshiimiswa tshine tshavha na ndivho yau ṱuṱuwedza vhanna vhane vha tambudzwa lwa mbeu ngavhafarisi uri vha ḓe vha ambe nga ha zwine vha ṱangana nazwo. Vhanna Kha Ri Ambe ndi tshiimiswa tshine tshavha nwana wa tshivhidzo tsha Revival Church tshire Makonde na zwiṅwe zwivhidzo zwine vha farisana nazwo.

Kha nyambedzano yavho na vha nyanḓadza mafhungo ya Limpopo Mirror, Vho Magwabeni vho ṱalutshedza uri dzina iḽi ḽa tshiimiswa ḽo khethwa nga murahu hau vhone ṱhoḓea yau amba nga ha u tambudzwa ha mbeu kha vhanna. Vho ombedzela uri kha guvhangano ḽau thoma ḽi ḓo farwa nga ḽa furaru Ṱhafamuhwe ṅwaha uno, hune ha ḓovha hu na mishumo yau fhambana ine ya ḓo ṋea vhanna tshikhala tshau amba.

“Heyi ndi khuwelelo kha vhanna uri vha ḓe vha ambe mbilaelo dzavho. Ri tenda khauri dzi kereke dzia kona u ḓisa tshanduko na thandululo kha samba ḽau tambudzana ha mbeu ḽine ra ṱangana nalo ḓuvha ḽiṅwe na ḽiṅwe. Ndi nga u vhona izwi zwoṱhe he ra vhona hu na vhundeme ha tshiimiswa tshashu tshine tshavha ipfi ḽa vhanna vhane vha tambudzwa. Ri tenda uri kha zwithu zwoṱhe hu na masia mavhili, hone nga nnḓa ha u tambudzwa ha vhafumakadzi na vhana, ri tama u pfa sia la vhanna vha tambudzwaho,” vha amba.

Vho Magwabeni vhari u fhumula ha vhanna ndi inṅwe ya dzi khaedu khulwane dzine ra ṱangana nadzo kha u tambudzwa ha mbeu. “Sa tshitshavha, ri khaḓi pfa hu na ṱhoni musi vhaṱhannga na vhanna vha tshi ṱahisa vhupfiwa havho hune vha vhoniwa sa vhathu vha si na nungo, u fana na musi vha tshi lila musi vhe na nyofho kana upfa vhuṱungu. Zworalo vha vhona uri usa amba nga ha vhupfiwa havho ndi nḓila ya uvha munna. Zwiito izwi zwi pfisa vhuṱungu hone zwi khombo. Ri ṱoḓa u alusa vhaṱhannga vhane vha ḓo kona u amba vhupfiwa havho nau tambudzwa hune vha ṱangana naho vhutshiloni,” vha engedza.

Date:27 February 2024

By: Khathutshelo Raliphaswa

Khathutshelo Prudence Raliphaswa started her journey in the media industry by studying Media Consultancy at Boston College in 2018. She continued her studies in journalism at IIE Rosebank College and graduated in 2022. Her passion is to be creative with words and tell stories in a more detailed way. She started as an intern at Limpopo Mirror in 2023 and is primarily responsible for the translations into Tshivenda..

Read: 199