Lady T o vhina lwendo lwawe na Vhembe FM nga murahu ha minwaha miṋa

Tshiṱori nga: Elmon Tshikhudo. Ṱhalutshedzo nga: Khathutshelo Raliphaswa.

Nga murahu ha minwaha ya fumi-na-raru e kha khasho dzo fhambanaho dza radio, Tendani “Lady T” Mushasha o onesana na vhathetshelesi vhawe vha Vhembe FM nga Lavhuṱanu ḽa fumi-na-ṱhanu Ṱhafamuhwe. O hasha mbekanyamushumo yawe yau fhedza kha Vhembe FM.

Lady T ane abva Ngovhela, nnḓa nyana ha Ṱhohoyanḓou ovha atshi hasha mbekanyamushumo ya nga matsheloni ya “Vhuragane 360” e na Mikiele Dama, ubva nga Musumbuluwo u swika Lavhuṱanu, a dovha hafhu a hasha mbekanyamushumo ya “Mvuseledzo” nga Sondaha. Atshi sedza murahu kha lwendo lwawe lwa khashoni na tshifhinga tshawe e Vhembe FM, Lady T uri una ndivhuwo khulu khau ṋeiwa zwikhala kha khasho idzo.

“Ndovha na mashudu au thoma lwendo lwanga lwa u hasha kha Voice of Tembisa nga ṅwaha wa gidimbili malo, he nda shuma minwaha miṋa. Iyo yovha yone mutheo wa vhumatshelo havhuḓi kha nṋe,” a amba. Uri lwendo lwawe kha Vhembe FM ndi lwe lwavha lwavhuḓi vhukuma, zwihulu o sedza nḓila ye a shuma ngayo na vhashumisani vhawe Vhembe FM.

“Radio ndi tshipiḓa tshihulu tsha vhutshilo hanga. Kha vhaswa ndiri avha gude usa laṱa fulufhelo kha ndoro dzavho ngauri nga kha ndoro dzavho vha a kona u swikelela zwinzhi vhutshiloni,” a engedza.

Mulanga tshiṱitshi mufareli wa Vhembe FM, Vho Mukhethwa Ravhuhali, vho mu hulisa na umu amba sa mushumi wa biko we avha a tshi hasha nga nḓila ine ya fusha vhathetshelesi ya alusa na khasho. “Ri mu onesa ro ḓala dakalo nga nḓila dzine ra khou ḓipfa ngayo, fhedzi ro bilufhala nga u ṱuwa hawe hone ri mu tamela zwivhuya kha nḓila dzawe uya phanḓa. Ovha mushumisani wavhuḓi minwaha yoṱhe e Vhembe FM, ri ḓo dzulela u mu humbula sa khasho,” vha amba.

Lwendo lwa Lady T kha radio lwo thoma Voice of Tembisa nga ṅwaha wa gidimbili malo, he a shuma u swika ṅwaha wa gidimbili fumi-na-mbili. O dovha hafhu a shuma Makhado FM, Univen FM, kha muhasho wa vhudavhidzani asa athu u shuma Vhembe FM nga ṅwaha wa gidimbili fumbili, he a shuma u swika ṅwaha uno wa gidimbili fumbili-na-iṋa. Kha zwe a kona u swikelela kha lwendo ulu, o nangwa kha pfufho dza MTN Radio nga ṅwaha wa gidimbili fumi-na-raru sa muvhali wa mafhungo wa khwine Limpopo. A dovha hafhu a nangiwa kha pfufho dza SATMA dza ṅwaha wa gidimbili fumi-na-raru sa mulidzi wa radio ya muvhundu wa khwine.

Date:25 March 2024

By: Elmon Tshikhudo

Elmon Tshikhudo started off as a photographer. He developed an interest in writing and started submitting articles to local as well as national publications. He became part of the Limpopo Mirror family in 2005 and was a permanent part of the news team until 2019.

Read: 206