Mukhethwa Ravhuhali u khou rangaphanḓa Vhembe FM uya kha maimo a nṱha

Tshiṱori nga: Elmon Tshikhudo. Ṱhalutshedzo nga: Khathutshelo Raliphaswa.

Mukhethwa Ravhuhali (29), ane avha mulanga tshiṱitshi tsha Vhembe FM, ndi muṅwe wa vhalanga zwiṱitshi vhaṱuku kha shango ḽashu. Zworalo nga mishumo yawe u khou ḓi sikela dzina kha nḓowetshumo ya vhumbvumbvusi ha radio.

Lwa minwaha yawe mivhili a kha Vhembe FM, o ḓou kunga vhathetshelesi a alusa tshivhalo tsha vhathetshelesi vha radio iyi. Mukhethwa o thoma uvha muraḓo wa Vhembe FM nga ṅwaha wa 20218 a tshi shuma fhasi ha vhu gudisi Havho- Jimmy Netshilulu na Phumudzo Siavhe, vhe vha mu ṋea thikhedzo na ṱhuṱhuwedzo kha mishumo yawe.

O thoma ngau bveledza mbekanyamushumo ya Martha Makhela ngeno nga thungo ovha a khou hasha na zwamitambo. Tshikhala tshawe tsho simuwa musi a tshi humbelwa uri a hashe mbekanyamushumo ngau tou farela muṅwe muhashi wa zwamitambo, he a sumbedza vhukoni hawe nga nḓila ya maṱhekheni. Izwi zwo thoma lwendo lwawe lwavhuḓi kha radio he zwa dzikusa na lutamo lwawe lwau swikelela zwinzhi kha nḓowetshumo iyi.

Zwa zwino, u khou tshila ndoro yawe hune avha mulanga tshiṱitshi, muhashi wa zwa mitambo, na mubveledzi wa mbekenyamushumo. “Ndovha ndi sa kholwi uri zwi ḓo itea nga tshihaḓu ngaurali. Mavothi anga o vulea nga ṅwaha wa 2021 musi ndi tshivha muraḓo wa nganda ya vhulanga kha tshiṱitshi tshashu sa ṱhoho ya vhubveledzi. Nga murahu ha ṅwaha, ndo ḓou humbelwa uri ndivhe murangaphanḓa wa tshiṱitshi, fhedzi nga nyofho yau vhona uri athingo ḓi lugela vhuimo uho, ndo ḓou hana vhuimo uho. Hovha nga murahu ha u zwi humbula zwavhuḓi lwa tshifhinga tshilapfu ndi he nda tanganedza vhuimo uho,” u amba.

Vhurangaphanḓa ha Mukhethwa vhune havha na vhukoni na uḓi vhudza kha mishumu yawe zwo alusa tshiṱitshi na mbalo ya vhathetshelesi nga nḓila i akhamadzaho. “Athi khou touḓi kukumusa, fhedzi ndi tendelwe u amba zwauri ri tshiṱitshi tshine tsha khou rangaphanḓa kha zwiṱitshi zwa tshitshavha. Mbalo-mbalo dza vhathetshelesi vhashu yo no swika kha 135,000 zwine zwavha zwa maṱhakheni kha mbalo-mbalo dza radio dza tshitshavha. Ndi vhona uri rikone u swikelela izwi ndi ngau shuma ro ḓi imisela, u shumisana zwavhuḓi sa vhashumisani, na uvha na mbonela phanḓa nthihi yau ṱoḓa u swikelela zwavhuḓi. Rorali sa vhashumisani, ri nga kona u isa tshiṱitshi tshashu kule. Ndi tenda khauri u bvelela ha tshiṱitshi asi mushumo wa muthu muthihi,” a vhina.

Date:24 April 2024

By: Elmon Tshikhudo

Elmon Tshikhudo started off as a photographer. He developed an interest in writing and started submitting articles to local as well as national publications. He became part of the Limpopo Mirror family in 2005 and was a permanent part of the news team until 2019.

Read: 80