Ḽitambwa ḽiswa ḽine ḽa amba nga ha u dzhiiwa nga khani ha vhana.

Tshiṱori nga: Elmon Tshikhudo. Ṱhalutshedzo nga: Khathutshelo Raliphaswa.

U anda ha u dzhiiwa nga khani na u rengiswa ha vhana zwo dovha hafhu u vuwa hafhu. Izwi zwi tevhela u anḓadzwa ha ḽitambwa, “Ro Tshinya Mini” ḽe ḽa ṅwalwa nga muṅwe wa vhanwali vha vhupo ha tshiṱiriki tsha Vhembe.

Ḽitambwa iḽo, ḽe ḽa ṅwalwa nga muṅwali, Phathutshedzo Mudau, ḽo anḓadzwa nga Mugivhela wa ḽa fumbili Lambamai kha vhuṱambo he ha farelwa sentharani ya vhutsila ya Thulamela. Ḽitambwa iḽo ḽi na vhagudiswa vhane vha tamba khalo.

Phathutshedzo, a bvaho Marangwana Tshabvuma na mutumbuli wa Shumani Development Arts Theatre, uri ḽitambwa iḽo ḽo ṱuṱuwedzwa nga u anda ha zwiito zwau dzhiiwa nga khani ha vhana, zwihulu kha vhupo ha Vhembe.

“U dzhiiwa ha vhana nga khani vha rengiswa zwi khou anda hone ndi swina na khaedu kha mivhundu yashu ine sayisia hunanyofho. Duvha ḽiṅwe na ḽiṅwe ri pfa nga ha avhana vhe vha dzhiiwa nga khani vha tshi bva zwikoloni na mavhengeleni, hutouvha mashudu mavhuya musi vhaṅwe vha tshi wanala vha khaḓi tshila ngeno vhaṅwe vha tshi wanala vho vhulawa. Hu na zwinzhi zwine zwa itwa u amba nga ha zwiwo na zwiito izwi, fhedzi naho zworalo azwi fheli. Ro dzhia tsheo yau ḓisa vhana luvhanḓeni uri ri amba nga ha zwine vha khou ṱangana nazwo. Hu dzulela uvha vhone vhane vhavha vha khou tambudzwa, vha kombetshedzwa u rengisa zwidzidzivhadzi, vha dzhiiwa nga khani kana vha rengiswa. Izwi zwi fanela u fhela. Ri khou shumisa zwiito zwine ra kona uri ri kone u bveledza milaedza yashu musi vhadzulapo vho lavhelesa. Ri tenda khauri hezwi zwi ḓo rumela mulaedza wo khwaṱhaho kha vhadzulapo nga vhunzhi uri vhari thuse ri farisane khau lwa na zwiito izwi uri zwi fhele,” a amba.

Phathutshedzo o ḓivhadzwa kha nḓowetshumo ya matambwa minwaha i paḓaho ya fumbili yo fhiraho. “Ndovha muraḓo wa Nzhelavhalimi Community Theatre ine ya wanala Tshitereke nga ṅwaha wa gidimbili-raru. Ndo ḓou dzhia tshifhinga tshau awela tshilapfu, ha ḓori nga ṅwaha wa gidimbili fumi-raru hu na bepha ḽa vhutsila ḽa Thulamela, ha vuwa lufuno lwanga lwa zwa matambwa he nda bveledza ḽitambwa ḽanga ḽau thoma, ‘Ho Khakha Nnyi’. U bveledza hanga ḽitambwa iḽo zwo nṱuṱuwedza zwihulu,” a amba.

U tenda zwauri mishumo yau fana na uyu iḓo thusa vhathu vhanzhi, zwihulu vhaswa uri vha dzulele uvha na zwine vha ita nga zwifhinga zwavho. Vhane ha takalela uvha tshipiḓa tsha mushumo uyu kana u wana zwidodombedzwa nga vhuḓalo vha nga founela Phathutshedzo kha 064 807 8955.

Date:07 May 2024

By: Elmon Tshikhudo

Elmon Tshikhudo started off as a photographer. He developed an interest in writing and started submitting articles to local as well as national publications. He became part of the Limpopo Mirror family in 2005 and was a permanent part of the news team until 2019.

Read: 74