Mavemu vha khou tshinyadza karaṱa dza ḽihoro ḽa Action SA

Tshiṱori nga: Thembi Siaga. Ṱhalutshedzo nga: Khathutshelo Raliphaswa.

Musi dzi khetho dzo noḓi sendela tsini, mahoro azwapolotiki a khou lingedza nga nḓila dzoṱhe uri vha kunge vhakhethi vha ḽihoro ḽavho. Vhunzhi havho vha ḓi swika khau ita dzikhuguwedzo dzi kungaho u ḓisela vhathu milaedza na pfulufhedziso dza tshumelo dzavho. Mashudu mavhi, mavemu vha tshinyadza mabambiri a khunguwedzo idzo, zwine zwavha zwi tshi tou vhonala hone na maga a ndaṱiso ha thudzelwi kule.

Afrika Tshipembe, u tshinyadza khunguwedzo dza khetho zwi dzhiiwa sa mulandu zwi tshi yelana na dzi khetho. Hu avha na maga a ndaṱiso ane a dzhielwa vhathu vhenevho hone aya ngau fhambana, zwi tshi ya nga vhuleme ha tshinyalelo na milayo yo vhewaho na nnḓu dza khothe. Zworalo vhathu vhane vha waniwa vha khou tshinyadza khunguwedzo dza khetho vha dzhielwa maga au badeliswa masheleni a ndaṱiso kana vha farwa vha gwevhiwa. Maga aya a ndaṱiso ndi au thivhela u tshinyadzwa ha ndaka dza khetho nga zwifhinga zwau kunga vhakhethi nga mahoro au fhambana nau swikelela uri khetho dza dimokirasi dzivhe na vhuleme.

Kha vhupo ha tshiṱiriki tsha Vhembe, hovha na zwiwo zwau tshinyadzwa ha dzi karaṱa dza khetho he vhathu vha bvisa kana vha tshinyadza khunguwedzo dza khetho. Ḽiṅwe ḽihoro ḽa zwa polotiki ḽine ḽa khou tshinyadzeleswa ndi ḽihoro ḽa Action SA. Khunguwedzo dza Action SA dzo tshinyadzwa kha ḓorobo ya Tshitandani na ḓorobo ya Ṱhohoyandou.

Vho Collen Nwandzule, vhane vhavha ṱhoho ya zwau endedzwa ha milaedza ya ḽihoro, vho amba zwauri vhege yo fhiraho phuresidenthe vha ḽihoro iḽo, Vho Herman Mashaba, vho dalela vhupo ho tshinyadzwaho vha ita nau vhea khumguwedzo nnzhi dza ḽihoro. Khunguwedzo idzo dzo vheiwa u mona na vhupo ha Sibasa, fhedzi vhunzhi hadzo dzo ḓou tshinyadzwa.

Vho Nwandzule vhari vha tenda zwauri vhathu vhe vha tshinyadza vhovha vho rengiwa nga vha mahoro a kale sa izwi vha khou pfa vha khou dzheniwa nga nyofho yau hanedzwa nau lwisiwa kha u vhusa, sa izwi vhovha vha khou kundelwa u ḓisela vhathu tshumelo dza khwine. “Nga tshifhinga tshiṱuku, ndo wana ṱhingo ubva kha munwe wa vhatikedzi vhashu atshi mmbudza nga ha u tshinyadzwa ha khunguwedzo dza ḽihoro ḽashu. O amba zwauri o vhona vhaswa vha khou tshinyadza khunguwedzo dzashu mafhandeni a Khoroni ngei Ṱhohoyanḓou. Na rine ri ṱangana na khaedu sa izwi karaṱa dzashu dzi tshi tshi tshinyadzwa vhusiku na masiari, zwine zwi ita uri ri kundelwe u ḓivha vhaiiti vhazwo,” vha amba.

Vho Nwandzule vho engedza zwauri zwiito izwi zwi engedza tshinyalelo sa izwi u ita karaṱa idzi zwi tshi ḓura vhukuma. “Karaṱa nthihi i ḓura masheleni a fhiraho ḓana wa dzi rannda,” vha amba. Vha tshi vhudziswa uri ndi maga afhio ane vha do a dzhia, Vho Nwandzule vho amba zwauri u konḓa ha u wana vhaiti vha zwiito izwi zwi ita uri zwi konḓe u dzhia tsheo ya khwine. “Fhedzi naho zwo rali, ri humbela vhathu uri vha ri thuse ngau dzhia zwinepe zwa vhathu vhane ha tshinyadza karaṱa dzashu, u kone u vhonana na tshanḓa tsha mulayo,” vha amba.

Date:09 May 2024

By: Thembi Siaga

Thembi Siaga started as an intern during 2021. He assisted with video photography and editing. He also produced numerous small documentaries, focusing on the Vhembe region and its people. Currently he works as a freelance journalist, covering stories in the Elim area.

Thembi studied at the Tshwane University of Technology, where he completed his diploma in Journalism in 2021.

Read: 93