Mutendas uri o lugela Phalaphala FM Festival

Tshiṱori nga Elmon Tshikhudo. Ṱhalutshedzo nga Khathutshelo Raliphaswa.

Ho tou sala maḓuvha asi gathi uri ḽiṅwe ḽa mabepha mahulwane ḽa ṅwaha na ṅwaha kha vunḓu ḽa Limpopo, ḽine ḽa amba zwinzhi kha lushaka lwa Vhavenda, Phalaphala FM Royal Heritage Festival, hune ramuzika a ḓivheaho wa muzika wa Tshivenḓa Phillip Nephawe ari ono lugela ḓuvha iḽi. Phillip ndi ane a ḓivhea khwine nga ḽa Mutendas luvhanḓeni kha nḓowetshumo ya muzika.

Bepha iḽi ḽi ḓo farwa lwa maḓuvha mavhili nga ḽa fumi-raru na fumi-iṋa Khubvumedzi ṅwaha uno. Afho ndi hune bepha ḽa gospel ḽa ḓo farwa nga ḽa fumi raru fhaḽa Agape City hure Vuwani. Ha tevhelwa nga bepha ḽa Royal Heritage nga ḽa fumi-ina fhaḽa damuni ḽa Nandoni, Royal Gardens.

Mutendas o anḓadza aḽibamu yawe i fhisaho ine yo takalelwa ine ya vhidzwa Makwenu zwa zwino zwino. Hone u na aḽibamu dzi paḓaho fumbili ṱhanu dze dza rangela iyi dzine dzo no anḓadzwa fhasi ha dzina ḽawe, avha na tharu fhasi ha Gerabox, na dziṅwe tharu sa Musamaria, hone ndi ramuzika ane a funea musi a luvhanḓeni na kha dzi aḽibamu dzawe. Mutendas ndi muṅwe wa vhoramuzika vhane vho no mbvumbvusa vhathu luvhanḓeni lwa Royal Heritage luvhili, he a fhedzisela u mbvumbvusa vhathu kha bepha iḽi nga ṅwaha wa 2016.

Nga zwiambaro zwawe zwa luvhanḓeni zwine zwa kunga, u tshimbila nga thonga, na mitshino yawe yo khetheaho, Mutendas ndi muimbi ane a funeswa nga vhafuni vha muzika wa Tshivenda. Muzika wawe u dovha hafhu wa amba nga ha zwithu kana mafhungo ane a itea mivhunduni hone ane a kwama vhadzulapo.

Musi a tshi vhudziswa nga ha bepha iḽi nauri u ḓi pfa hani uvha muṅwe wa vho ramuzika vhane vha ḓo mbvumbvusa vhathu, zwe Mutendas a amba ndi zwauri: “Ndi pfa ndo hulisea u khethiwa hafhu kha bepha iḽi, Zwa zwino ndo tou lindela ḓuvha ḽihulwane. Zwa zwino, ri kati na nḓowenḓowe dza zwine ra ḓo bveledzwa nga ḓuvha ḽihulwane. Ndo no vhea vhatsini vhaṋa vhane vha ḓo tshina luvhanḓeni. Ndi ḓo dovha hafhu ndavha ndi tshi khou ḓivhadza murwa wanga luvhanḓeni lwa u tou thoma, Mutendas Junior ndi mulidzi wa kaṱara lu takadzaho nḓevheni dza muthetshelesi, Hafho vhethu hoḓo ḓifha, vhathu vha nga lavhelela zwinzhi ubva kha nṋe zwine avha athu u zwi vhona.”

Date:11 September 2024

By: Elmon Tshikhudo

Elmon Tshikhudo started off as a photographer. He developed an interest in writing and started submitting articles to local as well as national publications. He became part of the Limpopo Mirror family in 2005 and was a permanent part of the news team until 2019. He currently writes on a freelance basis, covering human rights issues, court news and entertainment.

Read: 138