Ronewa o ḓi imisela uḓi sikela dzina kha zwa vhonyalunako.

Tshiṱori nga: Maanda Bele. Ṱhalutshedzo nga: Khathutshelo Raliphaswa.

Ronewa Mufunzwa wa minwaha ya fumbili-na-thihi o ḓi imisela u ḓisa tshanduko na u ṱuṱuwedza vhanzhi nga u shumisa buḓo ḽawe sa ralunako. Ronewa ndi musidzanyana a bvaho kusini kwa Tshishivhe, hone zwa zwino o pfufhiwa uvha ralunako wa khwine wa vhuvhili kha muṱaṱisano wa Miss Leaders Ignite and Manifest wa nwaha uno. Vhuṱambo uho ha vhonyalunako hovha ho farelwa Bloemfontein nga ḽa furaru Khubvumedzi ṅwaha-uno.

Ronewa uri vhuimo he a pfufhiwa hone kha muṱaṱisano uyo ho mu ṋea vhuḓifulufheli na u mu ṱuṱuwedza uri a dzhenelele miṅwe miṱaṱisano ya vhonyalunako. Uri vhathu vhane vha mu ṱuṱuwedza zwihulu ndi vhafumakadzi na vhasidzanyana vhane vho no fhira kha lwendo lune avha khalwo, hone ndivho yawe khulwane ndi uri vhane vha tevhela vha mu vhone sa ṱhuṱhuwedzo vha tshimbile he a kanda hone. Musi e kha lwendo lwa muṱaṱisano uyo, o vha na tshikhala tsha u dalela zwikolo a tshi kovha ndivho, a gudisa na u ṱuṱuwedza vhagudiswa. U engedza kha izwo, o netshedza dzi bugu, a tshiri u tenda uri u kovhelwa nḓivho vhana vha tshe vhaṱuku ndi zwa ndeme, zwi alusa vhasidzanyana uri vhavhe vhafumakadzi vhare na mbonela phanḓa yavhuḓi.

Ronewa o novha na vhupo hawe ha u kovhela nḓivho. “Arali ndavha wa mashudu nda kone u wana zwifhiwa uya nga u fhambana, ndi ḓo kona u netshedza zwishumiswa zwa vhasidzanyana, na dzi thambiswa zwavhana vhatuku na bugu dza u tamba zwa vhana. Naṅwaha, ndo kona uvha na guvhanganyo ḽa vhafumakadzi fhasi ha ṱhoho na bono ḽa ‘leading the purpose to direct the passion’,” a amba.

Ronewa asi ralunako fhedzi, u dovha hafhu avha muthu o fhedzaho pfunzo dzawe, u na BSc kha mbalo na dzi saintsi dza khomushutha. Kha ḓuvha ḽawe ḽiṅwe na ḽiṅwe, u tshila nga u tevhedza na u thetshelesa murero wa “zwi dzhia shango u alusa ṅwana”. Nga uvha na dzangalelo ḽa zwa vhonyalunako, o ḓou vhona nauri buḓo iḽo ḽi dovha hafhu ḽavha ḽo livhanaho na ndivho yawe, na u takalela hawe u ṋea tshitshavhani. U tenda uri muthu ua kona u nea kha zwiṱuku zwine avha e nazwo.

Date:21 November 2023

By: Maanda Bele

Maanda  Bele, born and raised in Nzhelele Siloam, studied journalism at the Tshwane University of Technology.

He is passionate about current news and international affairs.

He worked as part of the Zoutnet team as an intern in 2017.

He is currently a freelance journalist specialising in news from the Vhembe district.

Read: 236