Dovey o vhuya kha muzika nga aḽibamu ntswa.

Tshiṱori nga: Maanda Bele. Ṱhalutshedzo nga: Khathutshelo Raliphaswa.

U anḓadza muzika nga murahu ha u awela nḓowetshumo ya muzika zwi vhonala zwi lwendo lune lwa sia ramuzika ana u timatima kha u anḓadza muzika wawe. Izwo zworalo na kha Funanani Muhali ane a ḓivhea khwine nga ḽa Dovey we a anḓadza aḽibamu yawe ya vhuṱanu ine ya vhidzwa “Stronger Man”, yo anḓadzwa ngei Mutshotsho Bar Lounge ngei Dzanani, nga Mugivhela wa ḽa ṱahe Nyendavhusiku.

Dovey wa minwaha ya fumbili-sumbe a bvaho Haluvhimbi Vhuvumba, nnḓa nyana ha Ṱhohoyanḓou, o thoma lwendo lwawe kha nḓowetshumo ya muzika nga ṅwaha wa gidimbili-na-ṱahe musi a tshi imba kha khwairi ya kereke ya khotsiawe, ya Apostolic Faith Mission ire Tshivhilwi. Nga ṅwaha wa gidimbili fumbili-na-ṱahe o ḓou pfufhiwa nga tshiphuga tsha uvha khosi ya VenRap kha vhuṱambo ha dzi pfufho dza muzika wa Tshivenda (TSHIMA). U bva afho o ḓou awela zwa muzika a tshi bvela phanḓa na ngudo dzawe.

Nga ṅwedzi wa Fulwana nwaha uno, Dovey o ḓou andadza luimbo lwawe lwa “Stronger Man” lwe a imba na Ras Canly. O ḓou ḓivhadza nga Thangule uri aḽibamu yono fhela fhedzi una u timatima nga ha u i anḓadza sa izwi hovha hu kale asiho kha nḓowetshumo ya muzika hone ha ḓivhi uri vhatevheli vha ḓovha vho lavhelela zwifhio khae.

“Uvha wo awela kha nḓowetshumo ya muzika lwa tshifhinga tshilapfu zwia ita uri muthu sa ramuzika a hangwe zwine vhatevheli vha ṱoḓa zwone. Ndo anḓadza aḽibamu yanga sa nḓila yau humbudza vhathu nga ha Dovey. Ndovha ndi tshi ḓi vhudziswa uri ndi ḓo anḓadza lini muzika muswa, ndi fulufhela uri vhathu vha ḓo takalela muzika wa kha alibamu yanga,” a amba.

Sa ramuzika munwe na munwe, Dovey oḓi ṱangana na dzi khaedu kha lwendo lwawe, u fana na ṱhahelelo ya masheleni. “Vhoramuzika vha fanaho na nne ri na vhutsila fhedzi hu ṱoḓea masheleni uvhu bveledza kha vhathu. Masheleni ndi one khaedu kha rine,” a engedza.

Muzika wa Dovey u wanala kha masiaṱari a muzika oṱhe.

Date:19 December 2023

By: Maanda Bele

Maanda  Bele, born and raised in Nzhelele Siloam, studied journalism at the Tshwane University of Technology.

He is passionate about current news and international affairs.

He worked as part of the Zoutnet team as an intern in 2017.

He is currently a freelance journalist specialising in news from the Vhembe district.

Read: 367