Rights Mkhari o pfufhiwa uvha mutambi wa khwine wa rugby ya vhafumakadzi

Tshiṱori nga: Thembi Siaga. Ṱhalutshedzo nga:Khathuthutshelo Raliphaswa

Rights Mkhari a bvaho ngei Bungeni o huliswa nga tshiphuga tsha uvha mutambi wa khwine kha mutambo wa rugby ya vhafumakadzi. O pfufhiwa nga Musumbuluwo wa ḽa fumi-raru Nyendavhusiku. O pfufhiwa zwi tshi tevhela u wana khetho nnzhi ubva kha vhathu. Pfufho iyi i touvha mathomo kha buḓo ḽawe ḽa mutambo uyu.

“U pfufhiwa ngapfufho iyi ndi phaṱhutshedzo kha nṋe. Tshinwe tshifhinga muthu ha koni u vhona nḓila ine a shuma ngayo u swika munwe muthu a tshi mu vhudza uri mushumo wawe ndi wa maṱhakheni. Hovha husi khalaṅwaha yo leluwaho kha nṋe, fhedzi nga u wana thikhedzo ubva kha vhatambi na nṋe, ndo ṱuṱuwedzwa u shuma ndi tshi bvela phanḓa, “ a amba.

Mkhari ovha o noḓi pfufhiwa uvha mutambi wa khwine kha 2022/23 Bulls Daisies kha vhuṱambo he ha farelwa Atterbury Theatre ngei Pretoria nga ṅwedzi wa Ṱhangule ṅwaha uno. Mukhari ovha e na zwikoro zwa nṱha na uvha mukori wa khwine kha muṱaṱisano wa tshiphuga tsha Afrika kha mutambo wa rugby nga 2019. Uri u bvelela hawe kha buḓo lawe u zwi livhuwa kha makhulu awe, vhe vha vha vha tshi takalela mutambo wa mavili zwe zwa mu ṱuṱuwedza u takalela rugby. “Ndi tshe musidzana, makhulu anga vhovha vhe na thelevishini lufherani lwavho, he vhavha vha tshi ṱalela mutambo wa mavili. Vhovha vha tshi ḓalelwa nga dakalo nga tshifhinga tsha mitambo,” a amba.

Mkhari o thoma a lingedza minwe mitambo, fhedzi rugby yavha yone ye ai takalela u fhira minwe yoṱhe mitambo, ndi he aḓi wana a tshi thoma uvha mutambi wa rugby. “Ndovha ndi si mutambi wa khwine kha rugby, fhedzi dakalo ḽe makhulu anga vhavha vhe naḽo musi vha tshi ṱalela mavili zwo ntswikisa hune ndavha hone ṋamusi – ndo guda uvha mutambi wa khwine,” a amba.

Date:20 December 2023

By: Thembi Siaga

Thembi Siaga started as an intern during 2021. He assisted with video photography and editing. He also produced numerous small documentaries, focusing on the Vhembe region and its people. Currently he works as a freelance journalist, covering stories in the Elim area.

Thembi studied at the Tshwane University of Technology, where he completed his diploma in Journalism in 2021.

Read: 394