Tshiṱori nga Elmon Tshikhudo. Ṱhalutshedzo nga Khathutshelo Raliphaswa.
Khuwelelo yauri hu valiwe Mavhengele akholekhole( zwiphaza) zwa vhabvannḓa zwo vhesa milomoni ya vhathu, Archbishop Vho Ndikandafhi Makhuvha vho ita nau dzikusa vhupfiwa ha vhathu musi vha tshi dzinginya ḽauri ngahu pandelwe na vhafunzi vha vhabvannḓa vhane a vhango ṅwalisiwa.
Vho Makhuvha, muraḓo muhulwane wa mbumbano ya African Union Churches Parliament – tshiimiswa tsha zwivhidzo zwau fhambana zwire na vhuḓifhinduleli – vho ita khuwelelo ngau vhona u anda ha zwiito zwine zwa khou tshinyadza vhuimo ha zwivhidzo zwine zwavha na tshirunzi tshavhuḓi.
Vho ṱahisa u sinyuwa nga ha u vhonala hu tshi khou anda uvha na dzi kereke dzine a dzongo ṅwalisiwa dzine dza ḓivhea nga "fly-by-night" u mona na shango loṱhe ḽa Afrika Tshipembe. "Zwithu azwitsha langea, hone arali ri si ime zwino ra zwi thivhela kana u zwi imisa, ahuna ane a ḓo zwi imisa. Vhunzhi ha hedzi dzi kereke dzi rangiwa phanḓa nga vhabvannḓa vhane vha vha vhe fhano nga thendelo dza mishumo kana vhe fhano Afrika Tshipembe zwi siho mulayoni, hune vhunzhi havho vhavha vha songo ṅwaliswa," vha amba.
Vho Makhuvha vho sasaladza vhathu vhane vhane vha ḓa Afrika Tshipembe vha songo pfumbudzwa lwone kha zwa vhurereli kana vhasina tshenzhemo vhane vha ḓa Afrika Tshipembe u thoma zwivhidzo zwavho. "Hezwi zwivhidzo zwivha zwisina zwiṅwe zwiimiswa zwine vha tikana nazwo, vhavha vha tshi khou langa zwivhidzo zwavho nga vhoṱhe. Vha kuvhanganya masheleni ane avha asina mitshelo, vha a fhirisela kha mashango a nnḓa. Hezwi zwi fanela u fhela. Ri khou ita khuwelelo kha muvhuso uri vha lavhelese zwivhidzo zwine zwa vulwa Afrika Tshipembe huu itela vhathu vhashu, vhane vha fhedza vha tshi vho itiswa zwithu zwisa pfesesei u fana na u ṅwisiwa zwivhaswa na u ḽisiwa dzi nowa na zwiṅwevho," vha amba.
Uya nga Vho Makhuvha, kha tshiṱiriki tsha Vhembe fhedzi, hu na zwivhidzo zwine zwa paḓa tshigidi zwine a zwingo ṅwalisiwa, vhunzhi hazwo huvha hu zwivhidzo zwine zwa rangwa phanḓa nga vhabvannḓa na vhathu vha fhano vhane a vhango pfumbudzwa zwone. "Vhaswa, na vhanna vha songo tiiwa dzi kerekeni sa vhafunzi, zwa zwino vha na dzi kereke khulu vhesina pfumbudzo dzo teaho. Vha na lunyadzo kha vhathu vhahulwane ngau ṱoḓa uri vhavha vhidze nga madzina o imaho ngauri, zwine zwa swikisa khauri mutukana wa minwaha ya fumbili a vhudziwe uri 'baba' ngeno mualuwa hu vhone ṅwana wawe. Hezwi azwi ṱanganedzei, havha vhafunzi vha khou tou ṱoḓa masheleni fhedzi. Vha ite uri vhathu vha shumise masheleni avho u badela uri vha thivhelwe Mashamba na dziṅwe dzi khombo dzine vhari dzi khou ḓa,"vha amba.
Vho Makhavhu vho dzinginya zwauri vhabvannḓa vhane ndi vhafunzi vha fanela u shuma fhasi ha ndango ya vhafunzi vha fhano Afrika Tshipembe hone vha dzule fhano Afrika Tshipembe arali zwithu zwavho zwo dzula ngangona. "Ro neta, hone ri khou ṱoḓa uri muvhuso u pandele vhafunzi vhane ndi vhabvannḓa vha vale na zwivhidzo zwavho zwine a zwingo ṅwaliswa. Arali hezwi zwa bvela phanḓa nau itea, ri ḓo zwi swikisa kha dzi ofisi dzo teaho dza nṱha. Ahuna zwine ra khou dzumba zwone, fhedzi ri khou ṱoḓa uri zwithu zwi itiwe nga nḓila yo fanelaho," vha amba.