Tshiṱori nga: Kaizer Nengovhela. Ṱhalutshedzo nga: Khathutshelo Raliphaswa
Cedrick Nepile vha u bva Tshamulungwi, Buluni vho bvisa aḽibamu yavho ya vhuvhili ine ya vhidzwa Ndi tenda kha ipfi lavho, iyi aḽibamu i tevhela aḽibamu ya The same God, ye vha i bvisa nga ṅwaha wa 2021. Aḽibamu iyi yo sikiwa nga nyimbo dza fumi.
Thank you Jesus, Ndo wana muvhofhololi, Murena ndisa mato anga na Ndi a tenda kha ipfi lavho ndi dzinwe dza dzi nyimbo dzine dza fulufhedzisa dzi tshi ḓo vha dzone dza khwine kha vhatevheli vhavho.
Vho-Nepile ndi muraḓo wa kereke ya United Apostolic oḓi nekedzelaho he vhavha muraḓo wa khwairi nga 2010 vha tshi imba. U thetshelesa vhoramuzika vha fanaho na Takie Ndou na Rofhiwa Manyaga zwo vha ṱuṱuwedza kha sia ḽa muzika. Vho-Nepile vhari aḽibamu yavho i touvha mpho u bva kha mudzimu. Vhathu vhanzhi vho no ḓi renga aḽibamu iyi nga vhunzhi naho i songovha aḽibamu yo anḓadziwaho fhethu hunzhi.
"Heyi aḽibamu i sumbedza nyaluwa yanga kha sia ḽa muzika khathihi na nne sa muthu. Ndo fanela u bvisa aḽibamu ine ya mvumvusa vhathu u fhira yau thoma sa izwi yau thoma yo ita bvumo. Nyimbo dzanga ndi dza zwine nda ṱangana nazwo na zwine nda vhona zwi tshi itea hune ndavha ndi hone. Ndi shumisa muzika u eletshedza, muzika wa gosipele ua ḓivhea hone ndi ḓo bvela phanḓa na u imba muzika wa gosipele," vha ralo.
"Naho ndovha na dzi khaedu kha sia ḽa masheleni, ndi livhuwa mudzimu ndo swikelela kha u bvisa aḽibamu iyi."
Vha dovha hafhu vha ṱuṱuwedza vhathu vhane vha tama uvha kha nḓowetshumo ya muzika uri vha ḓi wanele vhabveledzi vha muzika vhane vha ḓo vha alusa kha sia ḽa muzika fhedzi vha ṱhogomele vhabveledzi vhane vha ḓo vha fhura masheleni avho.