Tshiṱori nga: Thembi Siaga. Ṱhalutshedzo nga: Khathutshelo Raliphaswa.
Sa muthu ane a kundelwa u amba vhupfiwa hawe, Oluga Manukha wa u bva Makwarela o ṅwala bugu yawe, ine ya amba nga ha zwine muthu ono fhira khazwo. Bugu iyo pfufhi ine ya vhidzwa "Diary of a Sexy Corpse", yo anḓadzwa nga ḽa fumithihi Thangule. Yo ṅwalwa a tshi elelwa tshenzhemo dzawe kha lufuno, zwe zwa sia a tshi lingedza u dzhia vhutshilo hawe.
Oluga o ṱalutshedza uri zwe zwa mu ṱuṱuwedza uri a ṅwale bugu iyi ndi nga murahu ha musi a tshi vhofhololwa vhuongeloni nga ṅwaha wa gidimbili fumi malo, he avha o lingedza udi vhulaha fhedzi a kundelwa. A tshi elelwa maḓuvha awe musi e vhuongeloni, uri muongi wawe vhovha vha tshi anzela umu vhidza uri "tshitumbu tshavhuḓi," vha tshi swaswa nga ha u lingedza u dzhia vhutshilo hawe. "Vhovha vha tshi ri ndo naka lune thi faneli u lovha, hone naho ḓivhazwakale dzashu dzi songo kuna tshoṱhe, a zwi ambi uri ri tshe vhathu vha murahu. Ro hula u fhira mathada ashu, kana khaedu dzine dza nga ri kunda. Ndo ṱangana na khaedu nnzhi kha sia ḽa mutakalo na vhudipfi hanga. Hovha hu na zwinzhi zwine ndovha ndi tshi balelwa u amba nga hazwo, ngazwo ndo naga u tou ṅwala nga hazwo," a amba.
Oluga o nwala bugu iyi sa nḓila ya u ṱahisa vhupfiwa hawe na u ḓi thusa u fhola kha zwine ono vhuya a ṱangana nazwo, uri vhare tsini nae vha kone u pfesesa uri ndi ngani o lingedza u dzhia vhutshilo hawe. Naho Oluga a tshi lingedza u hangwa nga ha tshenzhemo dzawe musi a tshi vhudziswa, uri "Ndo dzhia tsheo ya u vhea vhuḓipfi hanga kha manwalo ngauri ndi kholwa uri hune ipfi ḽanga ḽa balelwa u swika, maipfi anga aya kona u swika." Zwine zwa ntakadza nga ha tshenzhemo yanga, ndi uri asi nne ndi ndoṱhe ane ono ṱangana na zwe nda ṱangana nazwo, ngazwo ndo vhona zwo tea uri ndi kovhe na muthu munwe na munwe, uri vha kone u wana phodzo na u ṱuṱuwedzea."
Oluga u tenda zwauri vhaswa vhane vha khou lingedza u wana lufuno, na vhushaka vha ḓo kona u di ṱumanya na bugu yawe.