Tshiṱori nga Maanda Bele. Ṱhalutshedzo nga Khathutshelo Raliphaswa.
Nga murahu ha u awela khazwa muzika lwa miṅwaha ya sumbe yothe, Brighton Thabelo Khakhu - ane a ḓivhea kwine kha vhafuni nga ḽa Thabza Thabie K - u khou vhuyedzedza vhuimo hawe nḓevheni ya vhathetshelesi, o ḓiṱama nga maḓipfele a si na vhuṱanzi, lutendo lu sa dzinginyei na lushaka lune a lu vhidza Lekompo.
Muimbi wa minwaha ya 27 a bvaho muvhunduni wa Tshithuthuni ngei Nzhelele ha khou ita muzika hafhu hafhu - u khou ita tshitatamennde.
Luimbo lwawe lwa zwenezwino, Thina Tshanga, lwo bviswaho nga ḽa 18 Ṱhafamuhwe, lwa thero ine vhanzhi vha i ḓivha zwavhuḓi vhukuma: vivho. Thabza o ri: "Vhathu vha ḓo vha na vivho kha inwi naho ni tshi khou sokou lingedza, ni sa pfumi." "Luvhololo lwavho ndi thaidzo yavho, hu si hanga. A vha vhoni mushumo wanga, fhedzi mvelelo."
Nahone ndi vhungoho honoho vhune ha khou rwa khodi. Luimbo ulu lwo no thoma u takalelwa, vhafuni vha tshi khou khoḓa mulaedza wayo wa u konḓelela na fulufhelo. Heyi ndi u vhuya ho fhaṱiwaho hu si kha dzi gimmicks, fhedzi kha thumbu.
Lwendo lwa Thabza lwo vha lu songo leluwa. Nga murahu ha u sedzana na u sasaladzwa nga vhane vha sasaladza nga 2018, o mbo ḓi bva kha mic. O ri: "Ndo litsha u bvisa muzika nga ṅwambo wa zwithu zwi si zwavhuḓi." "Fhedzi vhafuni vhanga vha vhukuma vho mbo ḓi nkokodzela murahu. Vho nkhumbudza uri ndi a fanelwa."
Lwo bveledzwa nga Ravusto Records, luimbo lwonolwo ndi vhuḓidini ha muthu e eṱhe nga nḓila dzoṱhe. Thabza o i ṅwala ene muṋe nahone u na pfanelo dzoṱhe. O tenda a ri: "Ndo landulwa nga zwiga lwa miṅwaha." "Mafheleloni, ndo sokou zwi ita nga nṋe muṋe."
O sumbedza fulufhelo ḽa uri mafhungo awe a ḓo ṱuṱuwedza vhaṅwe, zwihuluhulu vhaswa vha re miṅwahani ya vhufumi na vhaḓivhi vhaswa vhane vha khou tambula. "Vhunzhi havho a vha wani thikhedzo," o ralo. "Ndi ṱoḓa u vha ṋea fulufhelo na u sumbedza uri, na Mudzimu, zwoṱhe zwi a konadzea."
Thabza o ri lufuno lwe a lu wana kha vhafuni lwo vusa lufuno lwawe. "A tho ngo vhuya nda humbula uri vhathu vha ḓo dovha vha takalela muzika wanga, zwihuluhulu nga murahu ha u shandula mubvumo wanga. Fhedzi ndo vha ndo khakha."
Mulaedza wawe kha vhane vha khou ṱoḓa u vha vhaimbi? "A zwi na ndavha uri u tshimbila hani nga u ongolowa, arali fhedzi u sa imi. Vhawini a vho ngo vhuya vha litsha. Lwendo lwa khilomithara dza tshigidi lu thoma nga vhukando vhuthihi. Believe u nga kona, nahone u vhukati ha nḓila."