Ṱhalutshedzo nga Khathutshelo Raliphaswa.
Wilson Pfuluwani Dzebu, weavha e ramafhungo a ḓivheaho ane avha muambeli wa Masipala wa Musina, vho ita nḓila yo bvelelaho ya u dzhena shangoni ḽa maṅwalwa nga bugu yavho ya u thoma ine ya vhidzwa uri Dzo rwa Gona. Iyi ṱhanganelo ya dzi nganeapfufhi i ṱuṱuwedzaho muhumbulo u sumbedza vhukoni ha u ṅwala ha Dzebu ho khetheaho, ho khwiniswaho kha tshenzhemo ya mahumi a miṅwaha kha nḓowetshumo ya nyanḓadzamafhungo.
Bugu i na mafhungo o fhambanaho a kungaho, hu tshi katelwa Dzo rwa Gona, Nanne ndi muthu, na U kona gumba ndi u mila. Nganea iṅwe na iṅwe yo itwa u itela u itela khaedu mavhonele a vhavhali na u bveledza u elekanya hu re na nḓivho.
Kha nyambedzano ya thingo, Vho Dzebu vhovha vhe na bono ḽavho nga murahu ha bugu, vha tshi ombedzela uri a si mushumo wa nganeapfufhi i leluwaho fhedzi. "Ndo vha ndi tshi khou ṱoḓa u ṅwala tshiṅwe tshithu tshine tsha shandula u ṅwala, nahone ndi tenda uri Dzo rwa Gona ia swikelela zwenezwo," vho ralo. Vho engedza nga uri ndi u kuvhanganya tshenzhemo dzavho dzo kuvhanganywaho lwa mahumi manzhi a miṅwaha, dzine zwino dza vhonala kha mushumo wavho. Vha ri: "Ndi funa munukhelelo wa inki na u humbula hu swikaho vhudzivhani."
Lufuno lwa Vho Dzebu lwa u anetshela zwiṱori na u ḓikumedzela havho kha u sukumedza mikano ya maṅwalwa zwi vhonala kha bugu yoṱhe. Dzo rwa Gona ndi vhuṱanzi ha vhukoni hawe sa muṅwali na vhukoni hawe ha u ita mafhungo a kombetshedzaho ane a pfala kha vhavhali.
Dzo rwa Gona ndi bugu ine ya fanela u vhaliwa kha muthu muṅwe na muṅwe ane a dzhiela nṱha nganeapfufhi i ṱuṱuwedzaho muhumbulo na u anetshela zwiṱori.