Tshiṱori nga Kaizer Nengovhela. Ṱhalutshedzo nga Khathutshelo Raliphaswa.
U vhulahwa ha muṋe wa thekhisi a ḓivheaho ngei Musina nga Mugivhela vhusiku zwo vusa nyofho dza uri khakhathi dza thekhisi kha dzingu dzi nga dovha dza bvelela, zwine zwa nga ita uri hu vhe na dzi mpfu nnzhi. Vhathu vhararu vho vhulahwa nahone muṅwe o huvhala kha tshiwo tsha mafhelo a vhege.
Uya nga ha muvhigo wa mapholisa, u thuntsha ho itea nga murahu ha away fumi na nothing nga madekwana ngei Extension 2, Musina fhethu hau rengiswa zwiḽiwa nau ṱanzwa dzi goloi. Vho Lucky Siphuma (35), mufarisa mudzulatshidulo wa Dzangano ḽa Taxi ḽa Nancefield, vho vha vho dzula na vhanwe vhathu afho fhethu, khathihi na mulanguli wa mutevhe wa thekhisi, Vho Ben Morudi (36). Vhovha vhe na vhaṅwe vhathu, u katela na munna ane a ḓivhiwa fhedzi nga dzina ḽa Walaza.
Tshigwada itshi tsho sendelwa tsini nga vhanna vhavhili vha sa divhei, vhe vha thuntsha Vho Siphuma na Morudi khathoho vha tshi bva murahu. U ya nga mapholisa, Walaza o mbo ḓi bvisa tshigidi tshawe tsho ṋewaho ḽaisentsi nahone abvisa mulilo, a huvhadza muṅwe wa vhaṱhaseli. Muṱhaseli wa vhuvhili o shavha. Muṅwe munna, Gershwin Ronewa Mukwevho (25), o huvhala musi vha tshi khou thuntsha.
U vhulawa ha Siphuma ho rumela mavemu a tshuwisaho nga kha nḓowetshumo ya thekhisi yapo na tshitshavha nga u angaredza, vhanzhi vha ita khuwelelo kha mapholisa uri vha ite zwithu nga u ṱavhanya na u fara vhane vha vha na vhuḓifhinduleli.
Khaladzi awe, Vho Constance Siphuma, vhari khaladzi avho vho thuntshiwa lunzhi-lunzhi. "Khaladzi ashu ovha e muthu a re na lufuno we a ri ṱhogomela roṱhe. Ro xelelwa nga wahashu wa tshinnani wavhuḓi, a ṱhogomelaho we a vha a tshi dzulela u ḓa na thandululo musi ri na thaidzo."
Vho amba uri muṱa wo vha u tshi ofhela tsireledzo yavho ngeno vhaiti vha vhutshinyi vha tshi kha ḓi vha nga u nnḓa. "Ri kha ḓi tshuwiswa na u tshuwiswa nga u vhulahwa uhu," vho ralo, vha tshi khou ṱuṱuwedza mazhendedzi a u tevhedza mulayo uri a ṱavhanyedze ṱhoḓisiso dzavho na u ḓisa vhe vha dzhenelela kha khaṱulokwayo.
"Zwi a konḓa u pfesesa uri ndi ngani khaladzi anga o vhulahwa. O vha e muhumbuli na muhumbuli waihumbulo yavhu bindudzi kha bindu ḽa u endedza. Ro ṱanganedza milaedza minzhi ya ndiliso, kha vhupo na u bva nnḓa ha shango, zwine zwa ri sumbedza uri khaladzi anga o vha e muthu wa vhathu we a vha a tshi ṱanganedza vhathu vhoṱhe, hu sa londwi muvhala, murafho kana vhurereli," vho ralo.
Mudzulatshidulo wa Dzangano ḽa Taxi ḽa Nancefield, Vho Kaizer Phiri, vhari vha kha ḓi vha vho tshuwa. "Vhashumisani vha mufu, vhe vha ṱungufhadzwa nga tshiwo itshi, vha khou wana nyeletshedzo," vho ralo, vha tshi livhisa ndiliso kha miṱa. "Mushumo we a u ita kha u ṱuṱuwedza vhuthihi, u ḓilaya, u shuma nga maanḓa na u ḓikumedzela nga ngomu ha muṱa na tshitshavha zwi ḓo dzula zwi tshi dzhielwa nṱha," Vho Phiri vho engedza.
Murado wa tshitshavha, a tshi khou amba nga ha nyimele ya u sa ḓivhea, o amba uri vho pfa u thuntshiwa. "Zwo vha zwi tshi tou vha nga u ṱavhanya. Ndo vha ndi si kule na fhano, nahone musi ndi tshi bvela nnḓa u ṱoḓisisa, ndo vhona vhanna vhavhili vho hwala zwigidi. Muṅwe wavho o thuntshiwa a lovha nga muraḓo wa tshitshavha. Ndi musi ri tshi ṱhogomela uri vhathu vhararu vho vhulahwa. Zwo vha zwi tshi tshuwisa, nahone zwi ḓo dzhia tshifhinga uri ndi hangwe nga tshenetshi tshiitea," o ralo.
Muambeli wa mapholisa a Vhembe W/O Vho Vuledzani Dathi vhari mapholisa vha khou todisisa tshiwo itshi. Ahuna u farwa ho vha ho no itwa nga tshifhinga tsha u ya kha u ṅwala. Ho vulwa mulandu wa u vhulaha luraru. Hu khou pfala uri muṅwe muhumbulelwa o fariwa, fhedzi vhuṱanzi ha mufu wa vhuraru ho vha hu sa athu khwaṱhisedzwa.
Vho Siphuma vho sia mufumakadzi wavho na vhana vhararu. Uya nga ha khaladzi awe, mbulungo i do vha hone nga Sondaha ya ḽa 18 Shundunthule, ngei Dzimauli. Tshumelo i khou lavhelelwa u thoma nga 06:00 Musina Bergview.