Tshiṱori nga Maanda Bele. Ṱhalutshedzo nga Khathutshelo Raliphaswa.
Muhasho wa Tshumelo dza Vhudzulo (DCS) wo thudzela kule mavhari-vhari a uri mutambi wa matambwa a miswaswo adivheaho Ntambudzeni Rasendedza, ane a divhea kwine nga ha ḽa Vho Bundu, vha do fhololowa dzhele zwa zwino nda ndango ya vhusedzi ha mu hasho wa dzi dzhele.
Rasendedza (40), wa muvhunduni wa Lwamondo, o vha o valeliwa dzhele u bva tshe a farwa mathomoni a ṅwaha wa 2020, nga murahu ha u ṱhasela nga nḓila ya vhuvemu kha mufarisi wawe. U ya nga vha DCS, ha athu tea u wana parula sa zwine vhathu vha khou anḓadza kha masiaṱari a zwileludzi zwa vhudavhidzani.
"Mupondi Rasendedza Ntambudzeni ha athu tea u bviswa nga uno ṅwaha wa 2025, nahone ho ngo swika kha tshifhinga tsha u vhofhololwa ha fhasi tsha u dzhielwa nṱha u itela u thetsheleswa ha parula. Ḓuvha ḽawe ḽa u bviswa ndi mafhungo o khethekanywaho, ane a nga wanala nga kha PAIA," ho amba Vho Tshidi Mapole, Mudzudzanyi wa Dzingu wa Vhudavhidzani kha mavundu Limpopo, Mpumalanga na Dzingu ḽa North West.
Nga 2023, Khothe ya Dzingu ya Sibasa yo ṋea tshigwevho kha Rasendedza uri u ḓo dzula dzhele lwa miṅwaha ya 10 nga murahu ha musi yo mu vhona mulandu wa u lingedza u vhulaha, u tswa na u rwa nga ndivho ya u vhanga khombo ya muvhili i ṱungufhadzaho.
Khothe yo pfa uri nga ṅwedzi wa Ṱhangule 2019, Rasendedza o rwa mufunwa wawe nga thanda na thambo ya muḓagasi, a rothisela pulasitiki i fhisaho kha muvhili wawe, nahone a mu valela nḓuni yawe lwa vhege mbili. Kha iṅwe ṱhase, a mu rwa nga tombo, a mu vunḓa mulenzhe, a sa athu u kherukanya zwiambaro zwawe nahone a mu sia a songo ambara.
Naho o vha a tshi vhonwa mulandu na u wa hawe kha vhuimo yawe ha uvha ramiswaswo a funiwaho vhukuma Vhembe, mivhigo ya zwine a humbulelwa uri ndi "u bviswa mathomoni" zwo ita uri vhaṅwe vha vhafuni vhawe vha takale. Kha masiaṱari a zwileludzi zwa vhudavhidzani, vhanzhi vho ṱanganedza mafhungo aya, vha tshi ri vha kha ḓi funa Vho Bundu nahone vho xelelwa nga mubvumbvusi wavho vha mu funaho, ngeno vhaṅwe vha tshi sumbedza mbiti na u sa tenda uri a nga vhofhololwa nga u ṱavhanya.
Vha kha ndaulo ya Vhutshutshisi ha Lushaka (NPA) vho ombedzela vhuhulwane ha vhutshinyi hawe. "Mutshutshisi o amba uri mulandu wo vha wo ḓala vhukuma nahone wo ḓala kha vhuvhusi, nahone u valelwa dzhele ho livhaho zwo vha zwi tshi ṱoḓea u itela u thivhela vhatshinyi vhane vha ḓo vha vhatshinyi," ho amba muambeli wa NPA Limpopo Vho Mashudu Malabi-Dzangi.
Zwa zwino, vhafuni vha ḓo tea u lindela ngeno Vho Bundu vha tshe vho valeliwa dzhele, vha tshi khou shumela tshigwevho tshavho u swika minwaha ye vha ṋewa yone.
Ṱhoho ya tshifanyiso: Ramiswaswo "Vho Bundu" a vha tei u vhofhololwa, hu sa londwi mavharivhari. Tshifanyiso: Facebook.