Tshiṱori nga: Kaizer Nengovhela. Ṱhalutshedzo nga: Khathutshelo Raliphaswa.
Ramuzika wa musika wa gosipele Cedrick Nepile o nangwa kha mutevhe wa vho ramuzika kha pfufho dza Royal Gospel Music Awards (ROYMA). O khethwa zwi tshi tevhela aḽibamu yawe ya "Ndi Ndila na Mafhungo Ngoho." Ramuzika uyu ane abva Buluni o khethwa kha zwiteṅwa zwivhili: aḽibamu ya khwine ntswa na luimbo lwau renda lwa khwine, kha luimbo lwawe lwa "Ndi Ndila na Mafhungo Ngoho."
U khethwa ha Cedrick kha zwiteṅwa izwi zwivhili zwi touvha zwa vhuṱhogwa kha buḓo ḽawe sa ramuzika wa gosipele, zwine zwa sia tshiga tshi vhonalaho kha nḓowetshumo ya muzika wa gosipele. U vouthela vhoramuzika kha khethekanyo kana zwiteṅwa izwo hu shumiswa milaedza yadzi sms.
A tshi fhindula nga ha u khethwa hawe, Cedrick o ṱahisa dakalo ḽawe nau livhuwa u vhoniwa mishumo yawe zwe zwa swika khau khethwa kha pfufho idzi dzine dza livhuwa vhoramusika vha gosipele khau shela havho mulenzhe kha nḓowetshumo ya muzika. O amba zwauri izwi zwi touvha tshikhala tsha luthihi vhutshiloni hune aḓo kona u dzhielwa nṱha nau tikedzwa kha muzika wawe.
Vhuṱambo ha dzi pfufho dza Royal Gospel Music Awards vhu ḓo farelwa Tembisa nga ḽa fumi Ṱhangule ṅwaha uno, hune ha ḓo ḓivhadziwa vhe vha wina.