Tshiṱori nga: Thembi Siaga. Ṱhalutshedzo: Khathutshelo Raliphaswa.
Ramuzika wa muzika wa R&B na wa phopho, Livhuwani Christopher, a ḓivheaho khwine nga Chris Bang wa minwaha ya fumbili ṱahe, o vhuya hafhu na aḽibamu thangeli yawe ya vhuna. Aḽibamu iyi ine ya vhidzwa 'Mbilu' yo anḓadzwa nga ḽa fumi ṱhanu Fulwana, ye ya sia vhatevheli vhawe vho fushea. Aḽibamu iyi ya nyimbo dza ṱahe yo sia vhunzhi ha vhatevheli vho mvumvusea lwe ya touvha milomoni ya vhanzhi.
Chris Bang uri ovha oḓi nekedzela kha nyimbo idzi dzoṱhe dza aḽibamu yawe, hu u itela uvha na vhuṱumanyi na vhatevheli vhawe nga kha nyimbo idzi. Kha aḽibamu thangeli iyi, o shuma na vhaimbi vha ngaho Romeo ThaGreatWhite, Mu Nwali, na JR Player. A saathu u anḓadza aḽibamu thangeli iyi, Chris Bang o ṱungedza vhatevheli vhawe nga mitaladzi isi gathi ya nyimbo thangeli 'Mbilu' miṅwedzi mivhili yo fhiraho, zwe zwa alusa dzangalelo ḽavho khau lavhelela aḽibamu thangeli iyo.
"Nyimbo dzi ngaho 'Adi gede', 'Ahuna', na 'Ari farane' ndi dzine dza khou sumbedza dzi dza khwine kha aḽibamu thangeli iyi. Zwa zwino, vhathu vha fhiraho vha zwigidi zwa fumbili rathi vho no thetshelesa aḽibamu thangeli iyi kha Spotify, zwine zwa fhira aḽibamu thangeli yo fhiraho," a amba. Chris Bang uri u livhuwa thikhedzo ine vhathu vha khou mu ṋea yone na nḓila ine vha khou takalela muzika wawe, zwi touvha tsumbo uri muzika wawe u na vhuṱumanyi na nḓila dzo fhambanaho dzine vha tshila ngadzo.
Nga ṅwaha wa gidimbili fumiṱahe, Chris Bang o pfufhiwa uvha ramuzika muswa wa khwine kha pfufho dza muzika wa Tshivenda nga kha aḽibamu thangeli yawe 'Maduvha Extended' ye ya tambwa kha vhunzhi ha zwiṱitshi zwa radio.