Nga Elmon Tshikhudo. Ṱhalutshedzo nga Khathutshelo Raliphaswa.
Ho no fhela minwaha minzhi ubva 1995 musi muimbi wa mafhungo-maḓifha Vho Vhulahani Colbert Ralushai vhane vha bva Khalavha Mutavhani nnḓa ha Thohoyandou vha tshi bvisa alibum yavho ya u thoma fhasi ha dzina ḽa luvhanḓeni Colly and Cream of Afrika. Albamu ya dzi nyimbo dza fusumbe, ine ya pfi Colly and African Cream ine ya vha na Baba, yo vha i tshi katela u tikedza maipfi nga muimbi o ḓivheaho Vho Maduvha Madima.
Baba yo vha i tshi khou mbvumbvusa shango ḽoṱhe, vha tshi hola tsini na tshiimo tsha luimbo nahone vha tshi dzula vha tshi takalelwa u swika na ṋamusi. Naho aḽibamu yo bvelela zwavhuḓi, yo vha i tshi ḓo vha mvelele yavho ya u thoma na ya u fhedzisela lwa miṅwaha i ṱoḓaho u vha mahumi mararu.
Zwino, nga murahu ha miṅwaha ya 30, nga murahu ha mutsiko u sa fheli u bvaho kha vhafuni vhawe, Colly and African Cream vho vhuyelela studio. Nga la 8 dza ṅwedzi wa Fulwi 2025, vho bvisa albamu ntswa ya gospel ine ya pfi Mphe Mbilu Yau. Alibamu ya nyimbo dza ṱahe yo rekhodiwa nga thuso ya Ani B kha Studio ya Rise Up Records.
Vho Ralushai vhari tshifhinga tshilapfu tsha u awela tsho vha tshi tshi khou itiswa nga vhuḓikumedzeli ha mushumo he ha vha ho mu sia a si na tshifhinga tsha muzika.
"Ndi kha nḓowetshumo ya fanitshara, ine ya katela u tshimbila lunzhi. Ndo vha ndi tshi fanela u nanga vhukati ha muzika na mushumo wa tshoṱhe, nahone ndo nanga mushumo. Zwo vha zwi tshi khou tshuwisa miṅwaha ya 30 kha nṋe - lutamo lwa muzika lwo vha lu tshi dzulela u vha ḓela, nahone vhafuni vhanga vho vha vha tshi dzulela u nkonḓela. Ndo vha ndi sa tsha kona u konḓelela," vha ralo.
Vho tenda uri u lindela zwo vha zwo tea khavha vhone vhane.
"U bva tshe alibamu ya bviswa vhege mbili dzo fhiraho, founu yanga a yo ngo litsha u lila, vhathu vha tshi khou vhudzisa nga ha dzi-CD na u tamba nga nḓila i tshilaho. Ndi takalela. U ya nga u ṱanganedzwa nga nḓila yavhuḓi, alibamu i ḓo nnyisa kule," o ralo.
Lwendo lwa muzika lwa Ralushai lwo thoma nga 1985, musi a tshi thoma u ṅwala nyimbo dza khwairi ya kereke, dziṅwe dzadzo dzo vha dzo rekhodiwa kha Radio Thohoyandou wa tshenetsho tshifhinga. Lufuno lwawe lwa kaṱara lwo vha lu tshi khou bveledzwa musi mutukana muṱuku, a tshi dzula tsini na muimbi wa muzika wa Tshikambe ane a ḓivhea vhukuma Elvis Mandiza wa Sibasa Pirates. O vha a tshi ḓo ṱalela zwifhinga zwavho zwa u ḓiḓowedza tshiphirini nahone a fheleledza o ḓifhaṱela kaṱara ya ṱhingo.
Vho dovha vha shumisana na Vho Thivhavhoni Lidzhade vha bvumo ḽa Echo, vhe vha si mu ṋee khiibodzhi fhedzi, fhedzi vha dovha vha mu isa Johannesburg, he vha rekhoda alibamu yavho ya u thoma nga 1995.