Tshiṱori nga Ngerezah Netshifhefhe. Ṱhalutshedzo nga Khathutshelo Raliphaswa.
Mutsila wa muzika WA RnB o bebwaho khala Venda Cookie SA, dzina ḽa vhukuma hu Ntangangedzeni Mashau, u khou dzhena kha nḓowetshumo ya muzika nga mushumo wawe muswa, Khosi ya Mbilu. U ḓivhelwa u kona u shuma nga nḓila dzo fhambanaho, u kona u ṱanganedza na zwine a zwi vhidza nḓila yawe ya "u sa lavhelelwa", muimbi muswa u khou vhaḓa bvumo sa ḽiṅwe ḽa maipfi a fulufhedzisaho vhukuma a Afrika Tshipembe.
Thoho ya aḽibamu a si khombo. Cookie uri o vha a tshi ṱoḓa u fara zwavhuḓi nḓila ine a ḓipfa ngayo musi i tshi sikwa. U ṱoḓa tshifanyiso tshe tsha vha tshi tshi sumbedza maḓipfele awe, o dzula kha tshifhiwa tshawe tsha 'Queen of Hearts'. Kha deki dza khadi, mubvumbedzwa u imela u ṱuṱuwedza, u pfela vhuṱungu, thikhedzo na u ḓifuna. O ri: "Zwenezwo zwo vha zwi tshi nkonḓela nga tshenetsho tshifhinga.
Maitele awe a u sika ndi a u shumisana, a tshi shuma na vhabveledzi vhaBig Ropza, Piffaudiorsa na Deep99sa, vhane, vha tenda, vha ḓisa tshenzhemo ya miṅwaha minzhi studio. Vhoṱhe vha bva kha maanḓa a muṅwe na muṅwe, vha tshi bveledza miungo na mihumbulo ine ya mu tendela u ṅwala nga zwine a zwi vhidza "mbofholowo yo livhiswaho".
U aluswa ha Cookie Venda ho ṱanganedzwa kha mubvumo wawe, naho muzika wawe u tshi bva kha mvelele nnzhi na ṱhuṱhuwedzo dza ḽifhasi. O ṱalusa tshitaila tshawe sa khali ya u ṋoka, a tshi ṱanganya RnB na Afro-soul na amapiano. "U linganisa RnB na ṱhuṱhuwedzo dzapo ndi nga ha u wana vhuthihi vhukati ha muzika wa RnB na wa muzika wa Afrika Tshipembe," u a ṱalutshedza. Ndivho yawe ndi ya u vala mvelele ngeno a tshi khou ita uri mushumo wawe u dzule u wa muthu nga eṱhe na u vha na vhushaka.
U ṱangana honoho ndi hone hune ha dovha ha mu ṋea vhuimo ha nṱha kha nḓowetshumo ya muṱaṱisano. Vhafuni na vhasasaladzi vha mu vhidza mutambi wa RnB ane a khou aluwa, fhedzi Cookie o tenda uri maanḓa awe a kha vhungoho. O ri: "Ndi ṱoḓa uri muzika wanga u pfesesee kha vhathu vha re kha vhuimo ha muthu nga eṱhe.
Mutevhe wawe wa zwiṱuṱuwedzi u sumbedza mubvumo wawe wo ṱanḓavhuwaho. O bula vho ramuzika vha fanaho na Shekhinah, Sha Sha na Nasty C sa ṱhuṱhuwedzo dzapo, khathihi na vhukoni ha Venda vhu ngaho JR Player, Big Ropza, Mickey Black, Lutroo Da Musiq, Megamind na Owi Jayson. Kha dzitshaka dza mashango ḓa ha o sumbedzisa Rihanna, Nicki Minaj, Doja CAT na Chris Brown vha langa mutevhe wavho wa u tamba.
Cookie uri u ḓivhona e kha tshiṱeidzhi tsha dzitshaka nga u ṱavhanya u fhira u lenga. Muhumbulo wa u "dzhia shango nga ḓumbu" a u mu tshuwisi. Nṱhani hazwo, u zwi dzhia zwi tshi ṱuṱuwedza. "Ndi ṱoḓa muzika wanga u tshi pfala ḽifhasini ḽoṱhe. Ndi khou sika tshithu tsho ḓisendekaho kha tshenzhemo dzanga fhedzi ndi fhethu hoṱhe hune ha nga tshimbila hone," u ralo.
U dzhena kha nḓowetshumo zwo ḓa na khaedu. Sa mufumakadzi muswa, o tea u amba nga ha u fhambana vhukati ha bono ḽa vhusiki na zwilavhelelwa zwa nḓowetshumo. "U imela zwi kwama. Zwi nga konḓa u tshimbila, fhedzi thikhedzo i bvaho kha vhafuni na lutamo lwanga lwa muzika yo ita uri ndi dzule ndo livhisa ṱhogomelo," u ralo.
U dovha a tenda uri Venda – na Limpopo nga u angaredza – vha na mushumo wa ndeme kha u vhumba vhuḓiṱalusi ha muzika wa Afrika Tshipembe ḽifhasini ḽoṱhe. U ṱuṱuwedza tshumisano nga nnḓa ha vunḓu na u ṱanganedza nyambo na mibvumo yapo, vha amba uri, zwi ḓo thusa dzingu u ita luswayo lwaḽo.
Musi a tshi tsikeledzwa nga nnyi ane a nga takalela u shumisana nae zwino, u a fhindula a sa timatimi: Young Stunna. "Ndi ramuzika a mangadzaho nahone ha vhuyi a ṱahela. Ndo vha ndi tshi ḓo guda zwinzhi vhukuma nahone ndi kha ḓi vha na khaedu ya u ṱanganya maanḓa awe kha luimbo," u ralo a tshi khou mwemwela.
Queen of Hearts ndi u fhira tshitatamennde tsha u thoma. Kha Cookie SA, ndi mubvumo wa mutsila muswa a tshi khou ṱanganedza khare yawe na u vhea zwipikwa zwawe nga nnḓa ha Venda – na shango ḽo khwaṱha.