Tshiṱori nga Elmon Tshikhudo. Ṱhalutshedzo nga Khathutshelo Raliphaswa.
Muimbi wa muzika wa pop Cyria Tshipetane, ane a ḓivhiwa khwine sa Cyria The Community, u khou ṱavhanya uḓi sikela dzina kha nḓowetshumo ya muzika na tshedza tsha fulufhelo kha murafho muswa wa vhafuni. O ṱanganedza zwikhala musi zwi tshi ḓa, nahone kha vhuṅwe ha vhuḓidini hawe ha zwenezwino, o vula tshimauswu tsha zwiḽiwa ngei Louis Trichardt.
Lwendo lwa Cyria lwo vha lu sa athu vha hone nga u gonya haḽo na u tsa. Musidzana a bvaho Hamutsha, nnḓa ha Louis Trichardt, o lwisana na zwa pfunzo tshikoloni tsha nṱha fhedzi a konḓelela u swika a tshi phasa Gireidi ya 12. O mbo ḓi ṅwalisa kha Vhembe TVET College, fhedzi hafhu, o wana zwi tshi konḓa u sedzana na ṱhoḓea dza zwa pfunzo. Naho zwo ralo, zwenezwi a zwo ngo mu thivhela kha u ṱoḓa hawe u bvelela.
Nga murahu ha u litsha u bva gudedzini, o mbo ḓi thoma u rengisa zwiḽiwa zwiṱuku ngei Tshikoloni tsha Phuraimari tsha Hamutsha tsha henefho. Nga u tou ḓiitela, o vha mutambi wa miswaswo a pembelelwaho, a tshi ita mvelelo dzi ṱoḓaho u vha nga u ṱavhanya kha nḓowetshumo ya u ḓimvumvusa. Sa vhunga zwenezwo zwi songo eḓana, Cyria o thoma mushumo wawe wa u imba nga 2020. O bvisa aḽibamu yawe ya u thoma, Madekudeku, ye ya takalelwa nga u ṱavhanya nga vhafuni vhatevheli vhawe.
O isa phanḓa na u bvisa dziṅwe aḽibamu mbili na dzi nyimbo dzo vhalaho fhasi ha dzina ḽawe.
Nga ṅwaha wa 2023, o mangadza vhaimbi vhanzhi vhe vha vha vho no ḓi thomiwa lwa tshifhinga tshilapfu musi luimbo lwawe lwa Mapholisa lu tshi vouthelwa Luimbo lwa Ṅwaha kha tshiṱitshi tsha lushaka tsha Phalaphala FM. Nga murahu ha nwaha, luimbo lwawe Magumbamba lwo vouthelwa nomboro ya vhuraru kha pfufho dza 2024 dza Phalaphala FM kha tshiteṅwa tsha luimbo lwa ṅwaha.
Naho o bvelela kha muzika na mbekanyamushumo yawe ya u ḓala, o dzhia iṅwe khaedu nga u vula tshimauswu tsha zwiḽiwa, Cyria's Kitchen, kha vhuima thekhisi hanefho Louis Trichardt. Tshiṱori tshi ṱhogomela zwithu zwoṱhe zwine zwa ḓifha, zwi tshi khou ṋetshedza zwiḽiwa zwa sialala zwi ngaho Mashonzha, tripe, ṋama ya kholomo, zwirethe zwa kholomo, na khuhu. Vharengi vhawe vha katela vhafhiri vho ḓoweleaho, vharengi vha tshifhinga tshoṱhe, vhaḓivhalea, na vhashumi vha muvhuso. Vhubindudzi uhu vhuswa ha mabindu ho vusa mavharivhari a uri ṋaledzi ya pop yo litsha muzika.
"A si ngoho uri ndo litsha muzika. Ndi sokou funa mabindu, nahone ndo ponyoka nga u rengisa zwiḽiwa zwiṱuku tshikoloni ndi sa athu u ḓidzhenisa kha muzika. Hezwi ndi lufuno lune nda nga si kone u shavha kha lwo - ndi innwe nḓila ya u ḓi unḓa. Vhathu a vho ngo fanela u xedzwa nga u humbula uri ndo litsha muzika. Ngoho ndi ya uri muthu a vho ngo fanela u ḓitika nga tshisima tshithihi tsha muholo. Ndi kha ḓi tamba kha ma bepha ngeno ndi tshi dovha nda shumisa bindu ḽanga. Ndi na vhashumi vhavhili vha fulufhedzeaho vhane vha ṱhogomela mushumo musi ndi siho," ndi musi Cyria a tshi amba.
U ya nga Cyria, muya wawe wa vhubindudzi wo itelwa u ṱuṱuwedza vhaswa uri vha ḓiitele mishumo.
"Kha vhaswa, ndi ri: dzhiani tshikhala tshiṅwe na tshiṅwe arali fhedzi tshi mulayoni tshi tshi ni tendela u wana tshelede, sa zwine nda khou ita.