Tshiṱori nga Elmon Tshikhudo. Ṱhalutshedzo nga Khathutshelo Raliphaswa.
Vho Nelton Dama Muimbi vho vha vhe kha nḓowetshumo ya muzika lwa tshifhinga tshilapfu fhedzi vho dzula vha tshi takalela u shuma murahu ha zwiṱori, vha tshi tikedza vhaṅwe vhaimbi. Kha zwigwada zwo thomiwaho zwe vha zwi bveledza ndi tshigwada tsha muzika wa sialala wa Tshivenda Tshinombeloni Family na muzika wa gospel exponent mufu Job Thanyani.
Naho zwo ralo, vhege yo fhiraho, muḓivhi wa zwishumiswa zwinzhi vho vhuyelela kha studio nga nḓila i mangadzaho nahone vha bvisa nyimbo ntswa i takadzaho ine ya vhidziwa Hovhila Horea. Ndi mushumo wavho muhulwane wa u thoma nga fhasi ha STD Boss Music, khamphani ya u bveledza muzika ye vha i dzhena zwenezwino. Iyo nyimbo, ye vha i vhumba na u di bveledza, yo vha yo nwaliwa kha Dama Music Productions fhano Tshifulanani, nnḓa nyana ha Thohoyandou.
"Ndo sika nyimbo nnzhi nga nṋe muṋe nahone ndo thusa vhaṅwe vhanzhi u bveledza miḽoro yavho, fhedzi ndi dzhia Hovhila Howa sa mushumo wa vhutsila na mathomo maswa kha nṋe. Hetshi ndi tshipiḓa tsho itwaho nga nḓila yavhuḓi tshine tsha vha uri tsho no ita magabelo kha mavhengele a muzika wa musalauno hune ha shumiswa thekinoḽodzhi. Luimbo lu amba nga ha u nwa halwa, nga maanḓa vhune ha tou ṱombiwa hayani. Nga mvelele, halwa hau ṱombiwa hayani avhungo itelwa u nwiwa nga hoṱhe hayani fhedzi ndi ha u kovhekana vhukati ha vhathu. Ndi khou ṱuṱuwedza u ḓiphina nga vhuḓifhinduleli na u ṱuṱuwedza vhathu uri vha si lwe musi vha tshi nwa vhoṱhe," vha amba.
U ya nga Vho Dama, u bviswa havho ha u thoma a ho ngo wana u huliswa na u bviselwa khagala he vha vha vho fanelwa ngaho, fhedzi zwino ndi zwithu zwa kale. "Hezwi ndi mathomo maswa kha nṋe. Zwino ndi khou bvisa vhukoni hanga hoṱhe, nahone ndi henefha hune u vhidzwa hanga ha muzika ha vhukuma ha ḓo bvelela. Ni sokou ṱalela tshikhala itshi - zwa khwinesa zwi kha ḓi ḓo ḓa," vha engedza.
Vho Dama vho thoma mushumo wavho wa muzika miṅwahani minzhi yo fhiraho, vha tshi khou tamba nga dzibennde ḽihulwane ngei Gauteng na fhano Limpopo. Vho vha vhe muṅwe wa vhaimbi vhahulwane kha Takalani Band ine ya ḓivhea, yo thomiwa nga munnaavhane wa muzika wa Tshivenḓa na mutambi wa kaṱara Vho Eric Mukhesa, munnaavhane MD Shirinda, na tshiga tsha muzika vha murahu Vho Ray Phiri. Mudzia-vhuṱali wa muzika, u tamba zwilidzo zwi ṱoḓaho u vha zwoṱhe nahone u katela tshaka dzo fhamba-fhambanaho dza muzika.
Nga tshifhinga tsha mushumo wavho, vho dovha vha thoma tshigwada tshi ḓivheaho tsha Shayandima Disco Star, tshe tsha kovhelana luvhanḓe na ṋaledzi ya muzika i ḓivheaho sa Richard Jon Smith ngei Thohoyandou Stadium nga 1979.