Tshiṱori nga Maanda Bele. Ṱhalutshedzo nga Khathutshelo Raliphaswa.
Dambudzo Madzivhe ndi dzina lino fana na lunako, fesheni, na vhukoni ha u sika kha la Venda. Sa muḓivhi wa u ita zwithu wa vhutsila, kha sia ḽa zwa fesheni, na mubveledzi wa zwi re ngomu, o vhaḓa nḓila yo khetheaho kha nḓowetshumo, a tshi shumisa vhukoni hawe u itela u ṱuṱuwedza na u ṱuṱuwedza. U bva kha u shuma na vha 'Fashion Week' Thohoyandou u swika kha u wana zwigidi zwa mavhonele nga ha TikTok u itela nyambedzano dzi kwamaho, Dambudzo u khou bvela phanḓa na u takalelwa kha zwa vhuḓi na u ḓimvumvusa.
Lwendo lwawe lwa u dzhena kha nḓowetshumo yau bveledza lwo thoma nga 2017, musi a tshi thoma khamphani yawe, DM Signatures. O ṱuṱuwedzwa nga vhe vha vha vhe tsini nae vhe vha vha vha tshi takalela vhukoni hawe hau bveledza zwiambaro nga maḓuvha awe musi engei khoḽedzhi nga 2016, o shandula lutamo lwawe lwa vha bindu. Namusi, maga lawe ḽi khou ḓivhea kha Venda nga nṱhani ha vhuimo hayo na vhukoni hanthesa.
"Vhathu vhe vha vha vhe tsini hanga vho nṱuṱuwedza uri ndi thome bindu ḽanga ḽau bveledza zwiambaro. Ndo vha ndi tshi ita zwidolwa zwanne mune musi ndi khoḽedzhini, nahone vhathu vho vha vha tshi nkhoḓa, vha tshi mmbudza uri ndi fanela u thoma bindu. Ndi musi ndi tshi dzhia tsheo ya u zwi dzhiela nṱha nga 2017," u a elelwa.
Sa vhoramabindu vhanzhi, lwendo lwa Dambudzo a lwo ngo vha lu si na khaedu dzaho. "Ndo ṱangana na vhuleme vhunzhi, fhedzi zwine zwa vha zwo ḓoweleaho ndi u sedzana na vharengi vha konḓaho. Ndo vha ndi tshi fanela u guda u sa zwi dzhia nga nṋe muṋe na u dzula ndi wa vhutsila," u a ṱalutshedza.
Hu sa londwi zwithithisi, Dambudzo u dzula a tshi livhuwa ngudo dze a dzi guda nḓilani. U tenda uri nyaluwo i bva kha khaedu na uri tshenzhemo iṅwe na iṅwe yo ita uri a khwaṱhe na u konḓelela. "Ndi nga si ambe uri ndi na tshiphiri, fhedzi ndi tenda uri u shuma nga maanḓa zwi ita uri ndi dzule ndi tshi khou bvela phanḓa, khathihi na u dzula ndi tshi ḓivha nga ha nḓila dza u ḓilugisa dza zwenezwino," u a amba.
Dambudzo una miloro mihulu ya vhumatshelo ha bindu ḽawe. "Ndi nga takalela u vha na fhethu hanga hu si kale na u thoma mutevhe wanga wa zwibveledzwa zwa makeup. Nga murahu ha miṅwaha miṱanu, ndi ḓivhona ndi na matavha manzhi a dzi salon na u tshimbidza mvelele ya lunako i bvelelaho," u ralo nga fulufhelo.