Tshiṱori nga Silas Nduvheni. Ṱhalutshedzo nga Khathutshelo Raliphaswa.
Murangaphanda wa sialala ane a kha di tou bva urwelwa tari abvaho khala Tshithuthuni ane ndi dokotela wa zwa mishonga. Vho Dokotela Mpfariseni Ndwambi vho tiiwa sa Vhamusanda vha muvhundu wa Tshithuthuni fhasi ha Khoro ya Lushaka ya Thengwe nga mugivhela wa ḽa 25 Phando.
U aniswa ho vha hu tshi khou itwa nga Thovhele Vudzinzhena Nethengwe, ngeno MEC wa Limpopo vha muhasho wau bveledza zwa mveledziso ya Ikonomi na Vhuendelamashango, Vho Tshitereke Matibe, vhovha vhe hone kha vhuṱambo uho.
Vhamusanda Vho Ndwambi vha khou ḓadza kha mativha e a xa musi mune wavho vha tshi dzama, Vhamusanda Mafanedza Ndwambi, vhe vha dzama nga nwedzi wa Lambamai 2021. Nga murahu ha u aniswa havho, vho khwathisedza u kuvhangana ha uri vho vha vho diimisela u shumela vhadzulapo vha muvhunduni wavho, vha tshi fulufhedzisa u sedza vhakalaha na vharangaphanda kha lushaka lwa havho, hu tshi katelwa na Thovhele Nethengwe.
"U ṱahela ha maḓi nga ngomu na u mona na Tshithuthuni, Tshidongololwe, Madzivhanani, na zwiṅwe zwisi zwa tsini zwi kha ḓi vha khaedu khulwane. Nga thuso ya vhaeletshedzi vhanga, ndi ḓo ṱanganelana na Masipala wa Tshiṱiriki tsha Vhembe (VDM) u itela u tandulula fhungo iḽi," vha ralo.
Vho sumbedza u livhuwa komiti ye ya vha i tshi langa mafhungo musi vha siho nahone vha khwaṱhisedza u tshimbila zwavhuḓi ha khoro nga murahu ha musi mune wavho vho no dzama nga 2021. Nga tshifhinga tsha nyambo yavho, vho ta Vho Tshenge Rennet sa khadzi yavho na Vho Orifha Ndwambi sa ndumi.
Thovhele Vudzinzhena Nethengwe vhe vhavha vha tshi khou ita mushumo wa u vha mukhuvha, vho amba uri vho takala uri murangaphanda muswa navho ndi dokotela vha zwa mishonga. Vho engedza nga uri vharangaphanḓa vhaswa vha sialala vha ngaho Ndwambi vha ḓo shela mulenzhe kha mveledziso ya muvhundu na u ṱuṱuwedza vhaswa uri vha vhee pfunzo phanḓa.
"Vha fanela u ṱhonifha tshitshavha tsha muvhundu wavho na u kwamana na vhahulwane kha mafhungo a ndeme. Vha ḓo vha muṅwe wa vharangaphanḓa vha mvelele vha 26 fhasi ha Khoro ya Lushaka ya Thengwe, nahone vha ḓo lavhelelwa u dzhenela tshumelo dza u sa anḓana na dza u dzhenisa zwithu sa tshipiḓa tsha u khwaṱhisa vhukoni havho ha u ranga phanḓa tshitshavha," hu amba Thovhele Nethengwe.