Ṱhalutshedzo nga Khathutshelo Raliphaswa.
E na minwaha ya furaru-raru fhedzi, Paul Mudau o zwi sumbedzisa nau fhirisa zwauri musi muthu o ḓi imisela khau swikelela muḽoro muṅwe na muṅwe a nga zwi kona u wedza muḽoro uyo. Paul o kona izwi nga hone u shuma oḓi funga, u ḓi imisela kha zwine a ita na u sa nyama. Paul, ane a bva Musina, Nancefield, o pfufhiwa vhudokotela hawe ha zwa mulayo (PhD in Law) ubva kha Yunivesithi ya Witwatersrand nga tshifhinga tshau ambadzwa hamagaweni nga Musumbuluwo wa ḽa malo Fulwana.
Ṱhoho yawe kha vhudokotela hawe hovha: "U shela mulenzhe ha muvhuso wapo khau swikelela vhuthihi nga kha u dzhiela nzhele pfanelo dza vhadzulapo dza nnḓu kana vhudzulo fhano Afrika Tshipembe"
Dr Paul ndi mugudisi wa muhaho wa zwa mulayo gudedzini ḽa Yunivesithi ya Afrika Tshipembe (Unisa). A dovha hafhu avha na maimo a nṱha hu tshi katelwa uvha musedzulusi wa ṱhoḓisiso dza Southern African Law, ṱhoḓisiso ire na vhushaka na senthara ya zwa vhathu na pfanelo dzavho ya Ismail Mohamed ire fhaḽa Yunivesithi ya Venda (Univen), hone ndi mutumbuli na mulanga mushumo wa siviki na pfunzo ya zwa mulayo (CVELP) afho Unisa.
O bebwa a aluwa Musina, he a dzhena pfunzo dzawe dza fhasi tshikoloni tsha fhasi tsha Makushu a ḓou bvela phanḓa a ya Musina High he a ḓou phasa maṱiriki hone. Murahu, o shuma kha masipala wapo wa Musina kha zwa mulayo a dovha hafhu a shuma sa mulangi wa zwa khomishini ya dzi khetho yoḓi imisaho nga yoṱhe afho Musina.
Kha ṱhanziela dzawe dza pfunzo hu katelwa digirii ya zwa mulayo (LLB) ubva yunivesithi ya Limpopo. Masiṱasi ya zwa mulayo (LLM) kha pfanelo dza vhathu na dimokirasi Afrika (ṱhanganyelo ya Yunivesithi ya Pretiori na Yunivesithi ya Makere, Uganda), masiṱasi kha mulayo (LLM) kha milayo, muvhuso, na muvhuso wa zwiteṅwa zwinzhi ubva Yunivesithi ya Western Cape, na PhD kha mulayo ya zwino ine ya bva Yunivesithi ya Wits.
Kha ṱhoḓisiso yawe ovha o tou sedzana na milayo ya mivhuso yapo, milayo ya ndayotewa, pfanelo dza vhathu, dimokirasi na dzi khetho, na maitele a milayo ya tshitshavha na mulayo. O no ṅwala maṅwalo manzhi na dzi ndima dza dzi bugu nga ha ṱhoho dzine dza yelana na zwa mulayo, pfanelo dza vhathu na dimokirasi, hone o no anḓadza mabammbiri awe kha maguvhangano na pfumbudzo dzine dzavha dzine dzavha dzi dza zwine a ṅwala ngazwo.
Dr Paul u shela mulenzhe zwihulu kha muvhundu wa Musina, hune a maanḓafhadza vhaswa nga kha pfunzo. "Nḓivho a ina mikano, hone nṋe ndi ḓo bvela phanḓa nau guda u swika maḓuvha anga a vhufhelo fhano ḽifhasini. Ndi nga takalela u ṱuṱuwedza vhaṅwe vhaswa uri vha dzhie pfunzo sa tshithu tsha ndeme sa izwi hu tshone tshithu tshine vha nga shumisa u lwa na vhushai, uḓi vhofholola mihumbulo na shango ḽashu," a amba.