Tshiṱori nga Ngerezah Netshifhefhe. Ṱhalutshedzo nga Khathutshelo Raliphaswa.
Nga murahu ha miṅwaha ya nyaluwo yo khwaṱhaho kha nḓowetshumo ya muzika, Batondy u khou ḓilugisela u bvisa EP ntswa ine ya sumbedza lwendo lwawe lwa mubvumo na muthu nga eṱhe. Musi ri tshi kha ḓi vha na ngelekanyo ine ya vha khagala, thero i khagala: u pembelela na u livhuha.
"EP a i athu u ṋewa dzina ngauri ndi tshifhiwa tsha u vhidza miṅwe mishumo yanga u ya nga zwine nda vha ndi tshi khou amba nga hazwo kha mushumo woṱhe," Batondy o ralo. "Nga haheyi, ndi u pembelela na u dzhiela nṱha zwe nda zwi swikelela miṅwahani yo fhiraho kha nḓowetshumo ya muzika na kha vhutshilo nga u angaredza."
U ṱanganya uimba ,Afro na hip hop ya venda nga zwithu zwa u tshina, mushumo u ḓitika nga mibvumo i takadzaho, ya u ṱuvha. O ri: "Mubvumo wanga wa zwenezwino ndi mubvumo u takadzaho, fhedzi nga u ḓipfa na u ṱuvha."
Maipfi a Batondy a kha ḓi vha o thewa kha tshenzhemo ya vhukuma. O ri: "Tshifhinga tshoṱhe musi ndi tshi ita muzika, ndi amba zwithu zwe nda zwi tshenzhela kana tshiṅwe tshithu tshe nda tshi vhona kha muthu a tevhelaho." "Vhutshilo hanga ha ḓuvha na ḓuvha vhu bveledza maipfi anga, nahone zwi kwama vhutshilo ha vhathu ngauri ndi tshenzhelo ya vhukuma ya ḓuvha ḽiṅwe na ḽiṅwe."
U shumisana na vhatsila vhane vha khou ḓivhea u fana na LK Galinkuta, Stoner, Mizo Phyll, na Mutendas zwi engedza maanḓa a EP iyi. O ri: "Zwoṱhe hezwi zwo itea nga hu leluwaho ngauri ndi na vhushaka havhuḓi na vhenevha vhaimbi vhoṱhe."
Iṅwe nḓila ine ya bvelela, ndi kale ndi tshi khou lingedza ine ya vha na ipfi ya musuku, i na ṱhalutshedzo yo khetheaho. "Luimbo ndi u dzhiela nṱha Mudzimu nga zwe nda zwi swikelela u swika zwino kha muzika."
Maitele a u sika o vha a si na khaedu. "Ho vha hu na mafhungo a ngaho vhaṅwe vhaḓivhi vha zwa vhutsila vhane vha ḓisa ndimana dzavho nga murahu ha tshifhinga ... kana vhabveledzi vhane vha ḓisa miungo yo khakheaho," a ralo.
Midzi ya luambo lwa Tshivenḓa ya Batondy i vhumba luambo na vhuḓiṱalusi kha tshifhiwa itshi. "Vhubvo hanga ha mvelele na hapo vhu na mushumo muhulwane nga ṅwambo wa u shumiswa ha luambo lwanga. Ndi amba Tshivenḓa tsho dzikaho. Kha shango ḽa vhusiki, ri ṱoḓa u bvelela kha vhutsila hashu."
O fulufhela uri vhathetshelesi vha bvisa mulaedza wa fulufhelo na u livhuha. "Vha ḓo zwi ḓivha uri tshiṅwe na tshiṅwe tshine vha khou ṱangana natsho vhutshiloni havho, a si vhone fhedzi."
U bveledzwa ha zwifanyiso zwo khwaṱhaho zwi ḓo tshimbila na u bviswa. "Ndi khou dzudzanya u bvisa EP iyi nga 80% ya vidio dza muzika na zwishumiswa zwavhudavhidzani zwa u vhona. Ro no thoma u bveledza vidio dzi si gathi."
Musi ri tshi sedza phanḓa, Batondy o sedza kha u shumisana huswa, zwiṱepisi zwihulwane na u ṋea vhulivhisi vhukoni vhune ha khou bvelela. "A zwi mangadzi uri ri kha ḓi ḓo ḓisa dzi nyimbo dzi mbvumbvusaho dzi nnzhi ... na u dovha hafhu u ṱuṱuwedza vhaimbi vhaswa na vhane vha khou ḓa."
Nga vhungoho na u konḓelela kha mutheo wayo, EP yo ḓiimisela u vha tshifhinga tshi ṱalusaho kha lwendo lwa muzika wa Batondy.