Tshiṱori nga Thembi Siaga. Ṱhalutshedzo nga Khathutshelo Raliphaswa.
Khosi ya Venrap, Mizo Phyll, o farana zwanḓa na Capable Boyz na Gusba Banana, vho bvisa EP ine ya vhidziwa Fantastik 4, ine ndi ine yavha na nyimbo dza malo dze dza kunga vhathu nga nḓila ye nyimbo dza dzudzanyiwa ngayo, mutevhe na kuimbele. Ubva tshe EP yo bvisiwa nga ḽa malo Ḽara, yo o thoma u takalelwa nga vhathu kha zwileludzi zwau wana dzi nyimbo.
Ṅwedzi wo fhiraho ho anḓadzwa nyimbo yau thoma kha EP iyo ya Fantastik 4, Zwo ḓi tou Fhelavho, zwe lwa takalelwa nga vhathu vhanzhi. Lwovha luimbo lure na Ndivhudzannyi Ralivhona, ane a ḓivhea khwine nga ḽa Makhadzi, na ene Phillip Masengane, ane a ḓivhea khwine nga ḽa Crosswavee.
Ṱhanganelano ndi ine ya ṱanganya Mizo Phyll (Livhuwani Ratshiungo), The Capable Boyz (Rudzanimbilu Netsianda na Mashau Ravele), na Gusba Banana (Gundo Masakona). EP iyo i sumbedzisa tshoṱhe nḓila ine Mizo Phyll a shumisa khau imba, mafulufulu a The Capable Boyz khathihi na miungo i songo doweleaho nga vhunzhi ine ya shumiswa nga Gusba Banana, zwe zwa sika lwendo lwa muzika lwo fhambanaho vhune ha pembela vhuthihi nau farana.
"Ro takala vhukuma u ḓisela vhafuni vhatikedzi vhashu mushumo hoyu. Rovha ri tshi khou ṱoḓa u sika mushumo une wa ṱahisa vhuthihi hashu na u fhambana sa vhaimbi. Muṅwe na muṅwe washu u na zwine azwi fani na zwa vhaṅwe, fhedzi ro ṱanganyiswa nga lufuno lwashu lwa muzika na lutamo lwauri ri kone u fhira kha zwine ra vhona unga ri fanela u guma hanefho," hu amba Mizo Phyll.
EP ya Fantastik 4 ndi ine yo ṱanganya mizika ya piano, hip-hop, na Afro-fushion, ine ya tendela ipfi ḽa muimbi muṅwe na muṅwe a tshi pfala na nga nḓila ine a sika ngayo muzika. Nga kha mitaladzi, dzi nyimbo dzivha dzi songo doweleaho : Mizo Phyll ndi ane o dowelea kha zwau anea, The Capable Boyz vha ḓivhelwa u mbvumbvusa vhathu nga miungo yavho, ngeno Gusba Banana a tshi ḓivhelwa u mbvumbvusa vhathu nga maipfi awe are na mutsindo ure na mafulufulu.
EP yo bebiwa nga kha bono ḽe vhaimbi vhovha vhe naḽo ḽau sika mushumo une wa ḓo shela mulenzhe khau ḓisa vhuthihi vhukati ha vhathu. "Rovha ri tshi khou ṱoḓa uri ri fhire kha ṱhanganyelano fhedzi ri zwi tshenzhema .Hovha hu nga u sika zwithu zwiswa, zwi songo ḓoweleaho kha vhathu vhanzhi," hu amba Gusba "Baba" Banana.
Musi The Capable Boyz ( Dj Papi na Drubabgo) vha tshi amba nga ha EP iyi na lwendo lwayo vho amba zwauri: "Ro fanela uri ri gude u ṱanganedza mihumbulo ya vhathu vhoṱhe na zwine vha khou pfa zwone. Rovha ri tshi ṱanḓavhudza mihumbulo, ra kovhelana mihumbulo, ra shuma zwavhuḓi roṱhe uri ri kone u swika kha ḽithihi ḽine ḽa fusha vhathu vhoṱhe."