Ṱshiṱori nga Elmon Tshikhudo. Ṱhalutshedzo nga Khathutshelo Raliphaswa.
Muporofita wa mufumakadzi vha dovha hafhu vhavha ramabindu Vho Fhatuwani Gheyt Chipuke, vhane vha ḓivhea khwine nga ḽa Fatima Ndou, zwa zwino vho engedza vhuimo kha dzina ḽavho ḽine zwa zwino vha 'muṅwali' nga murahu hau anḓadza bugu yavho yau thoma ine ya vhidziwa, 'Joyful Marriage, Vol 1'.
Vho Chipuke vhane vha bva kha muvhundu wa Miluwani Unit C kha ḓorobo ya Ṱhohoyanḓou, vho thoma lwendo lwavho lwa u ṅwala nga murahu ha u evhedzwa nga ipfi ḽo fholaho kha muya wavho, zwi tshi vha kombetshedza uri vha kovhela na vhaṅwe nḓivho ine vhavha nayo.
Bugu yavho yo anḓadzwa nga ṅwedzi wa Ṱhangule ṅwaha uno, ine ya amba nga ha dakalo na mulalo kha dzi mbingano. Yo anḓadzwa nga vha Luchema Books, khamphani ye vhai tumbula na mufarisi wavho, Vhamusanda Vho Chester Chipuke, vhane vhavha mufunzi kerekeni, muṅwali, na ramabindu.
"Nga kha u ṅwala hanga, tshipikwa tshanga hovha u ṱuṱuwedza nau maanḓafhadza vhaṅwe vhathu uri huvhe na zwine vha tshilela zwone, vhe na lutendo, na dakalo. Kha heyi bugu, ndo ṅwala nga ha zwithu zwiṋa zwine zwa shela milenzhe khauri mbingano ivhe yavhuḓi hone yo bvelelaho zwavhuḓi: mutheo wa lufuno, u davhidzana ha khwine, uvha na ndivho na tshipikwa zwine zwa fana, na u livhuwa nau takalela zwine mufarisi wau a ita kha mbingano iyo," vha amba.
Vho amba zwauri bugu iyi i fhira mbumbano ya maipfi. "Zwi touvha ngelekanyo dzanga kha lwendo lwanga vhutshiloni, zwo ṱangana na vhudzivha ha zwe nda ṱangana nazwo. Sa mufumakadzi wa mudzimu na ramabindu ane a khou aluwa, ndo guda zwauri mbingano ndi tshithu tshine tshavha tsho khetheaho hune ha ṱoḓea uri muthu avhe oḓi imisela u shuma khau fhaṱa mbingano, u ḓi vhudza na uḓi imisela kha mbingano. Nga khau ṅwala nau funza hanga, ndi ṱoḓa u vhuedzedza fulufhelo, uvha ṱhuṱhuwedzo kha vhaṅwe uri vha tshile vho ḓi fulufhela tshoṱhe hone vhe na dakalo. Ndi tenda zwauri musi hu na mudzimu, zwoṱhe zwi a konadzea, hone nṋe ndi vhuṱanzi hazwo," vha amba.
Zwinzhi kha zwe vha ṅwala ngazwo kha bugu yavho ndi zwine zwo ḓi sendela kha mbingano yavho. "Ndo fhaṱutshedzwa uri ndi kovhela na vhaṅwe vhutshilo hanga na mufarisi wanga. Ri roṱhe, ro no fhaṱa vhushaka vhune mutheo wahone ndi lufuno, ṱhonifho, nauvha kha tshipikwa tshithihi tshau shumela nau thusa vhaṅwe vhathu," vha amba.
Bugu iyi asi yau fhedzisela kha Vho Chipuke sa muṅwali, mushumo wavho une wa khou tevhela u kati. Bugu yavho ntswa ndi ine ya ḓo vhidzwa zwauri 'How to Be a Good Wife in the Eyes of God' zwine zwa tou amba uri 'Nḓila ya uvha mufumakadzi wavhuḓi maṱoni a mudzimu', ine ya ḓo anḓadzwa nga ṅwedzi wa Luhuhi ṅwaha u ḓaho.