Tshiṱori nga: Bernard Chiguvare. Ṱhalutshedzo nga: Khathutshelo Raliphaswa.
Fhulufhelo Muvhali wa minwaha ya mahumi mavhili u bva kusini kwa Ha-Magidi vhuponi ha Ṱhohoyanḓou ovha o ḓalelwa nga dakalo a tshi ṋeiwa ṱhanziela ya uvha munwe wa vhaswa vha ḓambili vha Afrika Tshipemb kha tshitenwa tsha pfunzo tsha Mail & Guardian. Mushumo wa u ṋea ṱhanziela idzo wo farelwa Modderfontein, Gauteng , nga Lavhuna, fumbili-mbili Fulwi. Muvhali ndi mugudiswa wa ṅwaha wau fhedza kha gudedzi ḽa Yunivesithi ya Venda atshi gundela digirii yawe ya pulani ya vhupo.
Muvhali ori akha murole wa vhu fumi mbili, a limuwa uri vhunzhi ha vhugudiswa vha kiḽasi yawe vha na dzangalelo ḽau dzhenelela miṱaṱisano ya Luisimane ya De Beers, zwe a vhona hu nḓila ya khwine yau ṱanḓavhudza nḓivho yawe. Izwi zwa shanduka uvha nḓila yawe yau thusa u ḓisa tshanduko kusini kune a dzula khakwo.
U bva ṅwaha ya gidimbili fumi ṱahe, Muvhali o ṱanganedza pfufho dza tshivhalo u bva kha vha muṱaṱisano wa Luisimane wa De Beers na kha ṱano ḽa saintsi ḽa Eskom ḽa vhorasaintsi vhare vhaswa.
Nga ṅwaha wa gidimbili fumbilithihi, o dzhia tsheo yau ḓisa tshanduko nga uvha embasada ya dzangano ḽa Global Changermakers na faundesheni ya u ṅwala ha ḽifhasi. Kha ṅwaha wonowo, a sika dzangano ḽawe ḽine ḽa vhidzwa uri Child Uplifment Corner Foundation. Dzangano ḽawe ḽi lwela u bveledzisa nyambo dza ḓamuni kha vhana vhaṱuku ngau ṋea zwishumiswa zwau vhala kha zwikolo zwa fhasi kha zwikolo zwa mivhunduni ya vhupo ha Ṱhohoyanḓou.
Ṅwaha wo fhelaho, Muvhalo u ṱhaphudza kha mbekanyamushumo ya Trevor Noah Education Changemakers, cohort ya vhuvhili, a humela kha kusi kwawe u fara zwanḓa na vha Nelson Mandela Faundesheni, Shout SA, Literacy4life, Univen, na muhasho wa pfunzo wa Limpopo u fhaṱa fhethu hau guda u ṅwala na u vhala kha tshikolo tsha fhasi tsha Mamali Sikhwivhilu, hure na bugu dza vhana dzi fhiraho maḓana maṱanu dza luambo lwa Tshivenda na Luisimane.
Nga mishumo yawe ine a ita muvhunduni hune a dzula hone, Muvhali ono thusa vhagudiswa vhanzhi vha maṱiriki u wana zwishumiswa zwa u vhala, u ṅwala na u shumisa u wana pfunzo nga vhudalo.
A tshi amba nga ha u bvelela hawe hau fhedzisela uri: "Hetshi ndi tshinwe tsha zwifhinga zwine nda ḓi rwa khana nga mishumo yanga sa muthu muṱuku. Ndi tenda kha u thusa vhanwe vhathu, pfufho yanga ndi i livhanya na muvhundu wanga. I ḓovha ṱhuṱhuwedzo kha vhaṅwe vhathu muvhunduni washu," a amba.
Muvhali u livhuwa thikhedzo ye ai wana ubva kha mme awe, vhagudisi vhawe, vho phurofesa Vhonani Netshandama na Nakisani Nemadodzi ubva ofisini ya vhudavhidzani ya Univen.