Tshiṱori nga Silas Nduvheni. Ṱhalutshedzo nga Khathutshelo Raliphaswa.
Ramuzika na muṅwali wa muzika Lufuno Dagada o anḓadza luimbo luswa, lwe lwa kanḓiswa kha vhuṱambo ha "Final Bow" he ha farelwa Moreleta Church ngei Gauteng, Pretoria nga ḽa furaru-thihi Ṱhangule ṅwaha uno. Uho hovha vhuṱambo hau vhina lwendo lwa uvha ramuzika lwa miṅwaha i fhiraho ya mahumi mavhili.
Fhedzi hu na zwinzhi zwo khetheaho zwine zwo vhetshelwa vhafuni vhatikedzi vha Lufuno Dagada vha hayani, hune vha ḓo neiwavho havho vhuṱambo nga ḽa fumbili-malo Nyendavhusiku fhaḽa luvhanḓeni lwa gudedzi ḽa Yunivesithi ya Venda. Zwa zwino dzi thikhithi dzi khou rengisiwa mavhengele a Pick'n Pay na Boxer, khathihi na online.
Mpho yavho yau fhedza hovha yau tendela vhafuni vhatikedzi uri vha takale nau vha ea tshenzhemo ine avha nga ḓoi hangwa nga kha Lufuno Dagada sa ramuzika ane avha na miṅwaha i fhiraho mahumi mararu vhe kha muzika. "Luimbo ulu lu na muya na mafulufulu a u mbvumbvusa hu tshi vhoniwa, hune vhathetshelesi vha ḓo thetshela ndosho dzine dza ḓadza kereke ya Moreleta. Asi luimbo fhedzi – I dovha hafhu yavha u pembela lutendo, ṱhanzi ya lufuno lwa mudzimu, nau livhuwa vhathu vhoṱhe vhe vha tshimbila na nṋe kha lwendo lwanga. Ndi ṱoḓa uri vhathetshelesi vha pfe unga vhovha vhe hone," vha amba.
Ramuzika vha miṅwaha ya fuṱhanu, vhane vha ḓovha hafhu vhavha mudzudzanyi wa muzika, vhari vho thoma zwau imba vho ḓi imisa vhe vhoṱhe nga 2001. "Ndi muṅwe wa vhatumbuli vha tshigwada tsha Worship House. Athi khou ṱutshela tshoṱhe nḓowetshumo. Ndi khou tou bva, zwine zwa amba zwauri hovha hu lwau fhedza ndi tshi kanḓisa muzika vhathu vha tshi zwi vhona," vha amba.
Vho tumbula tshigwada tsha Worship House vhe na muhashi wa kale vha Phalaphala FM Isaac Dagada nga 2004. Musi vhe Worship House, vho rangaphanḓa nyimbo dze dza ita bvumo u fana na Mifhululu, Wedding Song lune na namusi lu tshe milomoni ya vhathu, na Kha Vha Rendwe.
Nga 2001, ṅwaha we vha ṱhaphudza pfunzo gudedzini ḽa Yunivesithi ya Venda, vho ḓou thoma na lwendo lwavho sa ramuzika vho ḓi imisaho vhe vhoṱhe. Vho ḓou farana zwanḓa na mubveledzi Wanga Mukwevho vha anḓadza dzi aḽibamu nnzhi, hu tshi katelwa My Practical God, na nyimbo dze dza ita bvuma hu tshi ambiwa nyimbo dzi fanaho na Zwoluga, Lekunutung, na Mbilu Yanga yo Takala.
Lufuno ono ofudhiwa kha pfufho dza u fhambana, hu tshi katelwa na pfufho dza Tshivenda Music Awards na Crown Gospel Music Awards.
Vho bebiwa vha aluswa Tshamulungwi Harambuda Venda, Limpopo, Lufuno vho pfa zwauri zwino ndi tshone tshifhinga tsho teaho tsha u bva kha nḓowetshumo ya muzika nga murahu ha uvha kha nḓowetshumo iyi lwa miṅwaha ine ya fhira ya furaru, vha engedza zwauri lwendo lwovha ḽavhuḓi vhukuma, hone vho ḓi phina nga nḓila dzoṱhe.