Tshiṱori nga Kaizer Nengovhela. Ṱhalutshedzo nga Khathutshelo Raliphaswa.
"Tshifhinga tsho swika tsha uri ri fhelise vhushai nga u sika mishumo nṱhani ha u sokou ri a hu na mishumo," hu amba mubveledzi wa zwiambaro wapo Tendani Mudimeli.
Mudimeli ndi ane a bva Haramantsha kha vhupo ha Sinthumule, fhedzi bindu lawe li wanala fhaḽa Eltivillas, ngomu ha ḓorobo ya Louis Trichardt. O vha a tshi ḓivha zwiambaro zwa mvelele zwa mbingano, miṅwenda, yunifomo, zwikhipha zwa mvelele zwa vhanna, vha misi na zungwana. Vharengi vhawe vho fusheaho vha mu vhidza "khosi ya mufumakadzi wa zwiambaro zwa sialala".
Lwendo lwa Mudimeli kha nḓowetshumo ya zwau runga lwo vha lu si lwo vha lu lwa u thoma, fhedzi lwo no vha lufuno lwawe lwa vhutshilo na ndivho yawe. O thoma a shuma sa muongi o tou zwi gudelaho zwibadela zwo fhambanaho ngei Gauteng lwa miṅwaha ya 10 phanḓa ha musi vha tshi ḓirula mushumo nga ṅwaha wa gidimbili fumi-malo (2018).
Musi a tshi vhuya hayani, o ḓigudisa vhutsila ha u runga zwone zwiambaro, o ḓiimisela u kunda u shayea ha mishumo na vhushai. "U tshimbidza bindu ḽanga ḽo nthusa uri ndi vhe na ngudo dza ndeme dza u ḓilaya, vhushaka ha vharengi na ndaulo ya zwa masheleni," u a elekanya. "Ndi takalela vhukuma u sika zwiambaro nga zwanḓa zwanga nahone nda wana u fushea huhulwane mushumoni wanga, " a engedza.
Kha Mudimeli, u vha mubveledzi wa zwiambaro a si mushumo fhedzi - ndi u mbidzo khae. O amba nga u fhisea a ri: "Zwi pfala u nga a hu na tshithu tshine tsha sa konadzee." "Musi ndi tshi guda nga vhudiimiseli, ndi nga ita zwinzhi, nahone zwi a ntakadza vhukuma u vhona zwibveledzwa zwanga zwoṱhe zwi tshi ambariwa na u ita uri vhathu vha ḓipfe vho naka misi yoṱhe."
Lufuno lwawe lwa u runga lu fhira mushumo fhedzi; ndi nḓila ya u lafha ine ya mu thusa u tshimbila na u tsa ha vhutshilo. O eletshedza nga u mwemwela a ri: "Zwine nda nga zwi amba ndi uri, gidimani murafho waṋu, gudani nga hune na nga kona ngaho, nahone ni ḓiḓowedze nga hune zwa konadzea ngaho."