Tshiṱori nga Ngerezah Netshifhefhe. Ṱhalutshedzo nga Khathutshelo Raliphaswa.
Kha mbonalo ya muzika ine kanzhi ya vhumbiwa nga nḓila dza tshifhinganyana na u ḓihudza ha didzhithala, Gusba Banana u khou vhaḓa tshikhala tshawe o fhumula - zwo kaliwaho, tsho fhambanaho na u vha na midzi yo dzikaho kha mvelele. Musi hu tshi bviswa EP yawe ntswa, DZA KAMARANI, mutsila o bebwaho Limpopo o ṱangana na mibvumo mivhili ya Afrika Tshipembe i re na ṱhuṱhuwedzo: amapiano na hip-hop.
EP iyi ire na dzi nyimbo ṱhanu, ine zwino ya khou ṱanganya kha dzipulatifomo khulwane, i fhira u sokou vha mvangano ya lushaka. Ndi tshitatamennde tshi re na tshivhindi, tsha muthu nga eṱhe - zwipiḓa zwi linganaho zwau mbvumbvusa zwo ṋekedzwaho nga fulufhelo ḽa mutsila a tshi khou ṅwala nḓila yawe. "A thi khou lingedza u vha muṅwe muthu," Gusba o ralo. "Ndi khou ita lushaka lwa muzika une nda ṱoḓa u tshina khawo, u lila na u namela. Ndi DZA KAMARANI."
U bva kha nḓila ya u vula, Guduweni, thoni i khagala. U rwa nga nḓila i sa pfaliho na u dzhiela fhasi maipfi a leluwaho kha vhathetshelesi, zwine zwa sumbedza nḓila ya Gusba yo ḓiimiselaho, i sa ṱavhanyiswi. A si ipfi ḽihulu, fhedzi ḽi na ndivho.
Nga tshiporo tsha vhuvhili, Tshigagarrukela, tempo i a shanduka. Muungo u hadzima kha amapiano fhedzi u ḓitika nga u ṱavhanya ha hip-hop. U ḓisa ha Gusba zwo kuna, zwi a ḓifulufhela nahone zwo vhewa nga ndivho ya lyrical.
O ri: "Ndo vha ndi tshi ṱoḓa uri vhathu vha pfe uri ndi nga repa, nga nḓila yo teaho." "Ngauri ri khou mbvumbvusa a zwi ambi uri a ri kho humbula."
Nyimbo luṅwe na luṅwe kha DZA KAMARANI lu engedza kha maanea o vhumbiwaho nga tshenzhemo ya muthu nga eṱhe, muhumbulo wa mvelele na mubvumo sa luambo. Dzina ḽone ḽiṋe ḽi a konḓa u ṱalutshedzelwa - u ḓipfa u tshi fhira fhungo. Gusba o ṱalutshedza a ri: "Zwo ḓa kha nṋe sa vhuḓipfi, hu si ṱhalutshedzo."
U ḓivha honoho ha ṱhalukanyo hu tshimbila kha mushumo. U ḓi ṱukufhadza ndi zwone zwa ndeme, uvha na tshivhindi nahone zwi a fhirisela, ngeno Mbilu - zwine zwa amba "mbilu" kha Tshivenḓa - i tshi ṋetshedza tshifhinga tsha u ḓiṱolisisa. Munwe muungo hanefho u a fhungudzea, maipfi a a fhungudzea, nahone tshikhala tshi vula u itela u vhonala.
Luimbo lwa u fhedzisela, Mudzi, lu ambaho "muḓi", lu khwaṱhisa EP kha vhubvo haḽo. Nga u rwa ho khwaṱhaho na maipfi a khulaho nungo, Gusba o vala mushumo musi a tshi thoma - o ḓitika, fhedzi a tshi ṱoḓa u vha na vhuimo ha nṱha.
O ri: "Ndo vha ndi tshi ṱoḓa u zwi fhelisa kha tshithu tshine tsha pfa u nga u vhuyelela kha midzi, fhedzi na u bvela phanḓa."
Zwine zwa fhambanya DZA KAMARANI ndi u linganela hayo. A i fhungudzi vhuhali ha mitaladzi ha hip-hop kana u ṱutshela maanḓa a amapiano. Nṱhani hazwo, i luka zwoṱhe kha tshithu tsho fhambanaho tsha Afrika Tshipembe - ḓoroboni, vhuponi ha mahayani, ḽifhasi nga tshifhinga tshithihi.
"Hu na zwiṅwe zwine zwa khou ḓa," Gusba o fulufhedzisa. "Dzi vidio, muzika, khamusi aḽibamu , khamusi na lwendo lwau dalela fhethu hau fhambana. Fhedzi zwa zwino, ndi khou tou ṱoḓa vhathu vha tshi pfa heyi EP. U mbvumbvusa luvhanḓeni nayo. Ndi khavho."
Kha nḓowetshumo ine ya khou shanduka nga u ṱavhanya, Gusba Banana ha khou tovhola maanḓa - u khou i vhea nga u fhumula.