Tshiṱori nga Ngerezah Netshifhefhe. Ṱhalutshedzo nga Khathutshelo Raliphaswa.
Haandi YellowMah, muṅwe wa maipfi a Limpopo a fulufhedzisaho vhukuma, u khou ṱalusa u vhuyelela ha fulufhelo kha nḓowetshumo. Mukundi wa kale wa Town Star, we a thoma u kunga tshivhalo tshihulwane tsha lushaka kha mbekanyamushumo vhukoni ya SABC 2, u khou ḓilugisela u bvisa nyimbo ntswa-ntswa, ine ya vha na Khosi ya Venrap, Mizo Phyll.
Nyimbo iyo yo bviswa nga ḽa 30 Shundunthule, luimbo lwo lavhelelwa u sumbedza hu si mubvumo wa Haandi fhedzi une wa khou bvelela fhedzi u dovha wa vha sia ḽa muthu nga eṱhe ḽa mutsila. O dzumbulula uri luimbo lwo hevhedzwa nga vhushaka ho dzikaho ha maḓipfele - nḓila ye a ḓa ngayo u funa mme a murwa wawe.
Haandi o ri: "Zwo vha zwi tshi tutu vhukuma u shuma na munna wa vhuimo ha Mizo Phyll." "Luimbo lwo vha lu tshi bva vhudzivha ,husi khau ṱoḓa u nyanyula kana u mbvumbvusa fhedzi."
A si lwa u thoma vhenevho vhavhili vha tshi shumisana. U ya nga mutsila, u pfesesana havho ha muzika ho thoma kha mushumo wa minwahani ya murahu. U ṱuṱuwedzwa nga u bvelela ha mushumo wavho wa kale we vhau ita vhe vhoṱhe, mulanguli wawe o eletshedza uri vha ṱangane hafhu u itela u shuma vhoṱhe uri vha bvisa luimbo vhoṱhe - vhukando vhune Haandi a tenda uri vhu ḓo takusa mushumo wawe u swika kha vhuimo vhuhulwane kha nḓowetshumo ya muzika fhano hayani na shango ḽa Afrika Tshipembe ngau angaredza.
Mutsila u ṱalusa vhutsila hawe sa "New Wave" - mubvumo we a vha a tshi khou u ita u bva maḓuvhani awe a u thoma kha nḓowetshumo ya muzika. O alutshela Limpopo, Haandi o thoma lwendo lwawe lwa muzika nga ṅwaha wa 2009, o ṱuṱuwedzwa vhukuma nga lufuno lwa malume wawe lwa muzika. O ri: "Vho vha vha tshi tamba muzika ḓuvha ḽiṅwe na ḽiṅwe musi vha tshi vhuya hayani vha tshi bva Mushumoni wavho. Ndi henefho he nda wana hone lufuno lwanga lwa u funa muzika u vhuya u swika zwino hune nda vhaliwa kha vhaimbi vha khwine Limpopo na Afrika Tshipembe ngau angaredza."
Naho zwo ralo, nḓila a yo ngo dzula yo leluwa na luthihi. Haandi u amba nga ha khaedu dze a sedzana nadzo nḓilani, u katela u holedzwa na u kulea nungo mathomoni a mushumo wawe. Naho zwo ralo, o dzula o livhisa maṱo awe kha zwipikwa zwawe. O ri: "Ndo vha ndi tshi semiwa na u kulea nungo, fhedzi a tho ngo tendela zwenezwo zwi tshi ṱalusa uri nṋe ndi nnyi. Ndo vha ndi tshi ima nga ndo sedza hune nda khouya ngauri ndo vha ndi tshi ḓivha zwine nda zwi ṱoḓa."
Musi vhafuni muzika vhawe vha tshi khou aluwa na u fhaṱa fulufulu, Haandi u na zwinzhi zwe a vha farela . O sumbedza u shumisana hune ha khou ḓa na vhaimbi vha fanaho na Metro CMG, Asa Tee na Rude Kid, vhukati ha vhaṅwe vhanzhi - u sumbedza uri ndivho khulwane ya u khwaṱhisa vhuimo hawe kha nḓowetshumo.
Kha vhaswa vha vhasiki vha fhano Limpopo, nahone muthu muṅwe na muṅwe ane a khou tovhola muloro wa u lwa na zwithu zwine zwa nga itea, Haandi u ṋea ipfi ḽo khwaṱhaho ḽa u ṱuṱuwedza: "Ni songo vhuya na tendela muhumbulo u si wavhuḓi wa muthu naho e ufhio u ni wisa. Iyani kha zwine na zwi ṱoḓa."