Tshiṱori nga: Kaizer Nengovhela. Ṱhalutshedzo nga: Khathutshelo Raliphaswa.
Vhashumi vha tshiṱitshi tsha mapholisa tsha Makhado vha khou vhilaedzwa nga mutakalo wavho zwi tshi tevhela u savha na tshumelo ya maḓi na mabunga asongo kunaho lwa miṅwedzi i swikaho ya malo. Uya nga muṅwe wa pholisa we a luma nḓevhe vha gurannḓa ya Limpopo Mirror, lwa miṅwedzi iyi i swikaho ya malo, uri vhashumi vha shumise mabunga a tshiṱitshini itshi, vha tou thoma vha ya uka maḓi hone a u ṅwa vha tou ḓa nao u bva mahayani. Sa izwi hu sina maḓi, mabunga ha shumi zwavhuḓi zwine zwa vha kombetshedza uya kha mabunga a giratshini dza tsini hune vha badela masheleni tshifhinga tshoṱhe vha tshi ṱoḓa u shumisa mabunga.
Munwe wa pholisa we asi ṱoḓe u bulwa dzina kha nyambedzano na vha gurannḓa ya Limpopo Mirror, munwe wa mapholisa afho tshiṱitshini vhari tshiimo tsha zwino asi tshavhuḓi na luthihi. "Sa izwi husina maḓi, na mabunga ha kulumagiwi, zwine zwa sia rine vhashumi vha tshiṱitshini ri khomboni yau ṱahelwa nga malwadze."
Vhashumi vha tshiṱitshi vhari ndi kale vha tshi isa dzi mbilaelo dzavho kha office dza vunḓu, fhedzi ahuna thuso ine vha i wana. "Vhashumi vha kombetshedzea u shuma fhasi ha nyimele dzi konḓaho hone dzine dza vhea mitakalo yavho khomboni. Zwi fanela u ḓivhea uri ṱhahelelo ya maḓi i vhea matshilo a vhathu khomboni ya malwadze. Ri pfa ri songo tsireledzea sa izwi ri tshi shuma kha vhupo vhu songo kunaho," vha amba.
Muambeli wa vhuendi na tsireledzo ya vunḓu ḽa Limpopo Vho-Tidimalo Chuene vhari tshiṱitshi tsha Makhado tshi kha vhupo vhune vha masipala vha fanela u isa tshumelo ya maḓi fhedzi vha masipala vha khou kundelwa. "U fana na mavhengele are kha vhupo vhuthi na tshiṱitshi tsha Makhado, tshiṱitshi itshi tshia ṱahelelwa nga tshumelo. Ri khou lavhelela uri vha ḓo lugisa nyimele iyi nga tshihaḓu uri vhashumi na vhoṱhe vhane vha shumisa tshiṱitshi vha konou shuma nau wana tshumelo kha vhupo vhune havha na mutakalo wavhuḓi."
Vho-Chuene vho engedza uri vha SAPS kha vhupo uhu vha khou shuma nau ḓisa tshumelo ya tshifhinga tshiṱuku, u katela tshumelo ya maḓi.
Vha tshiṱitshi tsha mapholisa tsha Tshilwavhusiku, vha na ṱhahelelo ya maḓi u bva ṅwaha wa gidimbi fumbili, vhahumbulelwa vho lindelaho tsengo vha fanela u iswa Makhado Correctional sevices na tshiṱitshi tsha mapholisa tsha Mara hune havha kule nga kilomithara dza fumbili. Nga nyimele ya ṱhahelelo ya maḓi, mapholisa vha fhedza tshifhinga tshinzhi vha tshi khou tshimbidza vhahumbulelwa u bva Tshitandani na Mara vha tshiya khothe ya Tshilwavhusiku nga goloi dzo fanelaho u shuma u thivhela na ulwa na vhugevhenga.