Tshiṱori nga Elmon Tshikhudo. Ṱhalutshedzo nga Khathutshelo Raliphaswa.
Ṱhanzi ya ndeme kha mulandu wa u tzhipa une wa khou hweswa muhumbulelwa muporofita wa Sibasa ane a vusa khanedzano Phathutshedzo 'Muritho' Sikhubu yo thuntshiwa maḓuvha a si gathi a sa athu u ṋea vhuṱanzi vhune kha mulandu une wa khou sengiwa Cape Town.
Ndinainwi Mabuke, wa miṅwaha ya 26, o thuntshiwa a lovha musi a tshi khou namela thekhisi ngei Thengwe Matshetshete nga matsheloni a ḽa 11 Tshimedzi. Mudededzi wa tshikolo tsha fhasi u bva Tswinga o vha a tshi kha ḓi tou bva u bva kha tshifhinga tsha thabelo ya vhusiku hoṱhe musi muthu a sa ḓivhei a tshi bvelela nahone a thuntsha nga 04:45.
O lovhela henefho fhethu. Mureili wa thekhisi wa minwaha ya 55 na mufumakadzi wa minwaha ya furaru-sumbe vho ponyoka vho huvhala vhukuma.
Mabuke o vha o vhetshelwa u ḓivhonadza khothe ya Dzingu ya Ḓorobo ya Kapa nga ḽa 17 Tshimedzi u ṋea vhuṱanzi kha mulandu wa u tzhipa wa Sikhubu, ane a ḓivhiwa nga nḓila ya khwine sa Muritho kana Ritha. O vhulahwa maḓuvha mavhili phanḓa ha musi a tshi pembelela ḓuvha ḽawe ḽa mabebo ḽa vhu 26 nga ḽa 13 Tshimedzi.
Muporofita, wa miṅwaha ya 40, zwa zwino u dzhele, o sedzana na milandu minzhi ya u tzhipa fhedzi uine ya khou humbulelwa yone. O hanelwa beiḽi nga murahu ha musi hutshipfi o tzhipa musidzana wa miṅwaha ya 14 ofisini yavho kerekeni yawe ngei Sibasa nga ḽa 9 Ṱhangule.
Zwi mangadzaho ndi uri Mabuke o vha o no ṱanganela kha tshifhinga tsha thabelo ngei Nnḓuni ya Vhuporofita ya Nnḓu ya Cana, ye ya vha yo farelwa nga Muporofita Wesly Rolindela, khonani ya tsini i ḓivheaho ya Sikhubu.
Hu khou pfi, musi hu sa athu vhulahwa, mufu o vha a tshi khou sendela tsini nahone a humbelwa uri a thuthise mulandu, zwe Ndinainwi a ḓou hana. Khophi ya afidavithi ye a hana u bvisa milandu i khou tshimbila kha nyanḓadzamafhungo ya matshilisano.
[Muambeli wa muta Vho Osborne Mabuke vho amba uri ngauri vho vha vha tshi tenda na u vha na fulufhelo kha mapholisa, vho vha vha tshi zwi ḓivha uri hu na vhathu vhane vha vha na mafhungo nga ha tshiwo itshi. "I nga vha muṱa wa Mabuke ṋamusi, fhedzi hu nga vha inwi kana shaka ḽaṋu matshelo.
Vhembe Pfanelo dza Vhuthu dza Mudzulatshidulo Vho Thabelo Benendictor Nalana vho ri: "Ri a timatima vhukuma nga ha tshiwo itshi nahone zwi khagala uri zwo itelwa u konḓisa mulandu wa u tzhipa wa Cape Town."
Muambeli wa mapholisa wa Limpopo Vho Malelela Ledwaba vho khwathisedza uri vho vula bulayo na milandu mivhili ya u lingedza u vhulaha fhedzi vhari vhahumbulelwa avha a vha ḓivhei zwa zwino.
"Muṅwe na muṅwe a re na mafhungo ane a nga thusa kha ṱhoḓisiso u ṱuṱuwedzwa u kwamana na muofisiri wa ṱhoḓisiso, Vho Constable Rendani Peter Tshavhungwe nga 072-189254, nomboro ya mahala yau thivhela vhutshinyi 08600 10111, kana u shumisa epe ya MySAPS u kovhelana mafhungo nga nḓila i sa ḓivhei," vho ralo.
Hu do vha na tshumelo mbili dza tshihumbudzo, nthihi tshikoloni tsha St Augustine he Mabuke a shuma hone zwine zwa vha hone nga Lavhuna ḽa 15 Tshimedzi nga 10:00 na inwe Tswinga nga Lavhutanu 16 Tshimedzi. U do vhulungwa Tshaulu nga mugivhela wa ḽa 18 Tshimedzi.
Sikhubu o ḓivhonadza khothe ya madzhisiṱaraṱa ya Thohoyandou nga ḽa 14 Tshimedzi nga mulandu wa u tzhipa wo fhambanaho une wa katela ṅwana wa miṅwaha ya 14. Mulandu wo fhiriselwa phanḓa nga ḽa 13 Nyendavhusiku, wo lindela ndaela ya Mulanguli wa Vhutshutshisi ha Tshitshavha.